إعلان

"مبروك الكأس لأجدع ناس".. عمرو أديب معلقًا على فوز الزمالك على بيراميدز

10:38 م الأحد 08 سبتمبر 2019
"مبروك الكأس لأجدع ناس".. عمرو أديب معلقًا على فوز الزمالك على بيراميدز

كتب- معتز عباس:

هنَّأ الإعلامي عمرو أديب جماهير نادي الزمالك، بعد الفوز على نادي بيراميدز في نهائي كأس مصر الـ27 بالفوز 3-0 في اللقاء الذي جمعهما في استاد المكس بالإسكندرية، قائلًا: "مبروك الكأس لأجدع ناس.. ماتنفعش الدنيا والمنافسة من غير الزمالك".

وأضاف أديب، خلال برنامجه "الحكاية"، المذاع عبر فضائية "إم بي سي مصر"، اليوم الأحد، أن اللاعبين والمدرب قدموا مباراة جيدة أمام بيراميدز الذي كان في أسوأ حالاته رغم فوزه على الأهلي في منافسات الكأس، متابعًا: "أنا قلبي انشرح لميتشو، وشه حلو علينا وحاسس إن ربنا هيكرمنا وناخد السوبر ودوري الأبطال.. أنا عايز الناس تبعتلي تهاني مش عايز تريقة ونُكت".

وتابع مقدم "الحكاية": "مصر كلها زملكاوية، بس ما بيقولوش ومختفين، بس مش قادرين يقولوا ويتنفسوا ويعبروا عن تشجيعهم للزمالك.. النهارده آن الأوان كل واحد يطلع يقول يا زمالك يا هندسة لعب وفن وهندسة.. يا عيني على عرضيات شيكا، الكورة ملفوفة لفة هداية وجاتوه.. السنة دي كانت بايخة وصعبة وكلها إحباط، أكيد دلوقتي الأمل رجع تاني".

فيديو قد يعجبك: