طبق اليوم: محشي فلفل باللحم المفروم

نقدم لكم طبق اليوم، محشي فلفل باللحم المفروم.

المقادير:

من ١٦ لـ ١٨ حبة فلفل بلدي متوسطة الحجم

300 جرام من اللحم المفروم

1 بصلة متوسطة الحجم

1 كوب أرز مغسول

2 ملاعق طعام من معجون الطماطم 

2 ملاعق طعام من زيت الزيتون

٢ حبة طماطم

ملح و نعناع ناشف و فلفل

الطريقة:

اقطعي راس الفلفل و اسحبي الجزء اللي شايل البزر و اغسلي الفلفل كويس و خدي على صباعك شوية ملح و حطيه في الفلفل

يوضع اللحم المفروم في وعاء عميق. يضاف البصل المفروم والأرز المغسول، ومعجون الطماطم والملح والتوابل. و اخلطيهم كويس بايدك

املي خليط الرز و الحم المفروم في الفلفل. و سيبي مساحة في الجزء العلوي

حطي شرائح الطماطم على الفلفل

في طبق تاني صغير حطي معجون الصلصة و عليها كوباية مياه صغيره و قلبيها كويس

ثم يوضع الفلفل في حلة و يتصب عليه الصلصة لغاية ما الصلصة توصل لنصف الحلة

ضيفي معلقة او ٢ طعام من زيت الزيتون

غطي الحلة و سيبيها على النار لمدة ساعة الا ربع تقريبا

بعد كده تشيليها من على النار و الفلفل يتقدم مع سلاطة زبادي

يمكنك متابعة أهم وأحدث المقالات على الفيس بوك عبر صفحة مصراوى - هو وهي