فيديو.. سمية الخشاب عن المتحرشين الصغار: "علموهم وبعدين عاقبوهم"
سمية الخشاب
تطبيق مصراوي
لرؤيــــه أصدق للأحــــداث
كتبت- ياسمين الشرقاوي:
خرجت الفنانة سمية الخشاب، في مقطع فيديو جديد، تحدثت خلاله عن ضرورة تعليم الشباب الصغار الذين يتحرشون بالفتيات دون إدراك منهم لمعنى التحرش.
وقالت "سمية"، في الفيديو، الذي نشرته عبر حسابها بـ"إنستجرام": "الولاد الصغيرين اللي بيتحرشوا بالبنات وهما مش فاهمين، ما هو الوعي والفهم والإدراك، الولد من دول لو اتربى بشكل كويس، ولقى حد في البيت يفهمه إيه الصح وإيه الغلط وإيه اللي عيب وإيه الحرام ولازم تحترم بنات الناس ومينفعش تعمل كدا وينفع تعمل كدا يبقى أكيد مش هيغلط".
وتابعت: "قبل ما نعاقبهم نعلمهم ولازم يتحطوا في مراكز تعلمهم الإدراك والوعي وبعد كدا نعاقبهم، لما يفهم ويتعلم بعد كدا لو عمل حاجة تاني هيتعاقب قانونا، بس لما يبقوا ولاد صغيرين ومحدش علمهم يبقى محتاجين مدارس للتأهيل".
وكانت سمية الخشاب خرجت أمس الجمعة في مقطع فيديو، قدمت خلاله مقترحًا للقضاء على ظاهرة التحرش، قائلة: "لو اتعملت مدارس تأهيلية في صفوف المدارس في فصل الصيف والصفوف فاضية مش هتبقى حاجة مكلفة، وأعتقد في كتير من مدربين التنمية البشرية ومدرسين التربية، ممكن يتبرعوا بساعة أو ساعتين من وقتهم للولاد اللي محتاجين التنمية البشرية دي، واللي محتاجين للفهم والإدراك والاستيعاب".
وأثارت قضايا التحرش جدلًا واسعًا في الآونة الأخيرة، بعد تقديم عدد من الفتيات بلاغات رسمية ضد أحد الأشخاص متهمين إياه بالتحرش بهن وابتزازهن جنسيًا، كما روت عدد من الفنانات قصتهن مع التحرش كنوع من تقديم الدعم لهن.
View this post on Instagram
فيديو قد يعجبك:
