تامر عاشور يوجه الشكر لهؤلاء بعد نجاح حفله الأخير بجدة

وجه الفنان تامر عاشور الشكر لكل القائمين على حفلاته الأخيرة بمدينة جدة السعودية

ونشر "عاشور" عبر حسابه الرسمي على موقع "انستجرام" صور له من حفله الأخير وكتب: "اتشرفت بإني أكون أول مطرب مصري يحيي حفلتين كاملتين العدد يومين ورا بعض في الغالية على قلبي جدة.. يومين إستثنائيين في حياتي ومشواري اللي بدأته مع أهل المملكة خطوة خطوة من البداية حتى الآن بتعب ومثابرة ومجهود عشان أوصل لليومين دول كل ده بفضل ربنا ثُم الجمهور السعودي".

ووجه شكر خاص لمعالي المستشار تركي آل شيخ وقال: "وده بدعم كبير وثقة من الرائد حبيبي وأخي أبو ناصر الداعم الأول للفن والإبداع عامة وليا خاصة في المملكة بلا توقف".

ثم وجه الشكر للشركة المنظمة للحفل وكتب: " ثم الأهل والأصحاب وهم شركة بنش مارك فرد فرد اللي ماشاء الله شغالين زي الساعة بكل حب ورضا وإبتسامة تفتح نفسك على أي شيء".

وأشاد بفضل مصر عليه لما وصل له وكتب: "وعايز أشكر مصر وجمهور مصر بلدي اللي كل الفضل يرجعلهم بعد ربنا في كل ما وصلت إليه.. كل الشكر للفرقة الموسيقية بقيادة المايسترو الأهم هاني فرحات مش علشان الحفلة بس.. علشان التعب والبروڤات والجهد والسهر ثم النتيجة".

واختتم كلامه بكلمة لجمهوره وقال: " وبالمناسبة دي .. النهارده بقالي تقريبا ٢٠ سنة بغني ليكم .. وكوّنت في أذهانكم ذكريات كتير أنا فخور بده وده مش معناه إن سنّي كبير أنا عمري ٢٢ سنة تقريبا .. فا تحبوا تقولولي إيه بالمناسبة السعيدة دي ؟".

وذلك بعد أن قدم تامر عاشور حفلين يومي 5 و 6 مايو الجاري في جدة وحققا نجاح كبير.

قدم الفنان تامر عاشور مجموعة من أغانيه، وتراوحت أسعار تذاكره التي بيعت كلها عقب طرحها للحجز إليكترونيا بين: 350 ، 480، 700، 1450، و1750 ريال سعودي .