إعلان

مؤلف "طايع": "تابعوا لآخر يوم.. وبعدها نتحاسب"

08:00 ص الثلاثاء 05 يونيو 2018

عمرو يوسف

(مصراوي):

نشر السيناريست محمد دياب، مؤلف مسلسل "طايع" على صفحته الشخصية في موقع "فيس بوك"، توضيحًا لبعض الأحداث في المسلسل.

وكتب محمد دياب: "من ساعة حلقة فواز وبعدها مهجة والناس تعليقاتها تحولت لمظاهرة عاوزة تشوف دم وانتقام، حتى الصديق الرومانسي الموهوب تامر حبيب كتب أنه عاوز يشوف كل ولاد حربي ميتين قبله. الانتقام غريزه طبيعية وتقريبًا معروف دراميًا أن أي تيمة انتقام بتنجح، بس إحنا كصناع طايع شايفين التار ده لعنة وماكنش ممكن يكون اختيارنا شعبوي فكان لازم يكون طريق الانتقام مفروش بالشوك وله ثمن كبير، كان هيبقى مرضي للناس أكتر بكتير لو حد تاني من ولاد حربي اللي مات إمبارح ومكنتش موجة الغضب دي هتحصل بس هي مقصودة عشان كل اللي اتجروا مع الشخصيات و تملكهم الغضب يعرفوا ويحسوا الشخص اللي بيسيب نفسه للانتقام بيحصله أيه.. الثأر والانتقام أفكار مدمرة، والتعامل معاها لازم يبقى حساس وبطريقة متبقاش جماهيرية وبس".

وأنهى دياب: "تابعوا طايع لآخر يوم.. وبعدها نتحاسب".

مسلسل طايع من بطولة عمرو يوسف وصبا مبارك وعمرو عبدالجليل، ومن تأليف خالد دياب، وشرين دياب، ومحمد دياب ومن إخراج عمرو سلامة. ​

استطلاع مصراوي

شارك برأيك.. ما هو أفضل مسلسل (15 حلقة) عرض في النصف الأول من شهر رمضان؟

جاوب واكسب مع فوازير مصراوي , للمشاركة أضغط هنا سارع بخروج زكاة الفطر _ زكاتك هتوصل للمستحقين مصراوي هيساعدك أضغط هنا

فيديو قد يعجبك: