إعلان

السيسي عن شائعات تطعيم الأطفال: إزاي أعمل كده في ولادي!

12:08 م الأحد 10 مارس 2019

الرئيس عبدالفتاح السيسي

كتب- محمد نصار:

حذر الرئيس عبدالفتاح السيسي، المصريين من الانسياق خلف الشائعات التي تستهدف هدم الدولة: "ياترى مصدقيني ولا لا.. معلش.. هو أنتم مصدقيني ولا لا.. طيب هضحك عليكم ليه.. هضيعكم ليه.. مبحبكمش.. يعني يقولولي في كلمة ليك ولا مفيش قولت حسب النقاش ما يجيب علشان منعذبش الناس".

وأضاف السيسي، خلال فعاليات الندوة التثقيفية الثلاثين للقوات المسلحة بمركز المنارة الدولي للمؤتمرات، وذلك بمناسبة الاحتفال بيوم الشهيد، اليوم الأحد: "لما يتقال مثلًا التطعيم اللي بيتم في حملة 100 مليون صحة ده هيأذي الناس وتطلع وسط الناس البسيطة، إحنا نقدر نعمل كده في نفسنا، أعمل كده في ولادي.. إحنا عملنا الحملة دي لاجل نخفف على أهلنا.. كنت متألم من فيروس سي وموجوع لأي مصري بيتألم لأهله وناسه.. لقيت في فرصة نخفف عن كل مصري ونطمن كل مصري ثم دخلنا على الأمراض التانية ونقول بالمرة السكر والضغط والسمنة أخبارها إيه".

وتابع الرئيس: "في قوائم الانتظار قوولنا الناس اللي عايزة عملية جراحية اللي بقوا 11 نوع من الجراحات.. عايز أقول إن في خلال 6 أشهر.. عدد اللي انتهوا من قوائم الانتظار تجاوز الـ12 ألف المستهدفين 10 مرات يعني أكثر من 100 ألف إنسان.. إحنا عايزين نخفف عن أهلنا ولا عايزين نضيعهم.. إنسان عايز يركب قسطرة قلب أركبها ليه دلوقتي ولا أجله".

ويشهد الرئيس عبدالفتاح السيسي اليوم الأحد، فعاليات الندوة التثقيفية الثلاثين للقوات المسلحة بمركز المنارة الدولي للمؤتمرات، وذلك بمناسبة الاحتفال بيوم الشهيد.

ويحضر الندوة رئيس مجلس الوزراء الدكتور مصطفى مدبولي، والفريق أول محمد زكي القائد العام للقوات المسلحة وزير الدفاع والإنتاج الحربي، والدكتور علي عبدالعال رئيس مجلس النواب وعدد من الوزراء وكبار رجال الدولة.

فيديو قد يعجبك: