"مجتمع مريض يحتاج علاج فورًا".. أسامة كمال يعرض فيديو لسائق ميكروباص يسب راكبًا

عرض الإعلامي أسامة كمال، مقطع فيديو لسائق ميكروباص يسب راكبًا ويمتنع عن استكمال خط سيره، بينما يعلن الراكب اعتراضه على تغيير السائق لخط سيره الأساسي.

وقال كمال، خلال برنامجه "مساء DMC"، المذاع عبر فضائية "DMC"، مساء اليوم الثلاثاء: "المشكلة مش في الشخص اللي طالع في الفيديو، المشكلة إنها بقيت ثقافة عامة إننا نتعامل مع بعض كده، ثقافة اضرب دماغك في الحيط".

وتابع الإعلامي: "فيه إيه؟ جرالنا إيه؟ والشاب اللي طالع في الفيديو ده شاب صغير، هنقول الضغوط الحياتية بتعمل كده؟! ما طول عمر الناس فقرا وطول عمرهم غلابة والناس محتاجة، هل ده كله قضية ظلم ويطلع حد يدافع عنها، لأ إحنا عيانين يا جماعة ولو ما اعترفناش إننا عيانين مش هنخِف، المجتمع مريض ومحتاج العلاج فورًا".