بالصور| بيتر ميمي: ترشيح أحمد مكي لـ"الاختيار" كان خطر ومغامرة وتحدي له ولنا

كتبت- منى الموجي:

تصوير- محمود عبدالناصر:

أكد المخرج بيتر ميمي أنه كان يرى ترشيحه الفنان أحمد مكي للمشاركة في مسلسل "الاختيار 2"، خطر ومغامرة.

وتابع في ندوة بعنوان مقدمة لنوع جديد أحدث ثورة في الدراما الرمضانية، على هامش مهرجان القاهرة السينمائي: "اختيار مكي خطر ومغامرة مفيهاش كلام، كان بقاله فترة عايز يخرج من الكوميديا ويعمل حاجات تانية، شفت انه يعمل دور يوسف الرفاعي وكان رايح يتفق على الكبير اوي لما اتعرض عليه الاختيار وافق على طول".

وأضاف بيتر "مكي اشتغل على نفسه جدا ومع هاني على الورق واتدرب على الحاجات القتالية والمعارك 15 يوم، كان تحدي ليه وتحدي لينا".

وأشار أنه تعمد أن يقول لمكي أمورا تجعله يرفض ويعتذر لكنه كان متحمسا، لافتا لوجود كيمياء بينه وبين الفنان كريم عبدالعزيز.

استكمل بيتر "من الناس اللي زقتني كريم قلتله يا كريم انت تمام شجعني جدا، وكلمني على فكرة وقالي هعمل معاك الاختيار 2، وجود كريم وثقته في المشروع وانه بتاع مصر مش بتاع شخص شجعني".

المناقشة أدارها الإعلامي عمرو عبدالحميد، وناقش المخرج بيتر ميمي والفنان إياد نصار، وتواجدت وزيرة الثقافة الدكتورة إيناس عبدالدايم.