مريهان حسين تعتذر لوالدتها عن واقعة الكمين - (صورة)

كتبت - سومة الكشكي:

وجهت الفنانة مريهان حسين، رسالة مؤثرة لوالدتها في عيد الأم، اعتذرت خلالها عن الجُرح الذي تسببت فيه لها، بعد واقعة كمين المريوطية.

وقالت مريهان، في الرسالة التي نشرتها عبر حسابها الرسمي بموقع انستجرام، "أمي النهاردة انا عايزة أقولك كلمة واحدة.. أنا آسفة إنى السبب في حزنك اللي بتخبيه وآسفة إنى اخترت طريق كان السبب إنه يسمح لناس تجرح وتظلم وتتهم وتحكم وأعوذ بالله من حكم النفس علي النفس.. آسفة بالنيابة عن كل انسان وبعيدها تاني "انسان"حكم علي رد فعل وقرر إنه فعل وجرح مشاعرك بسببي".

وأضافت الفنانة في الرسالة التي نشرتها مع صورة تجمعها بوالدتها "آسفة إنى مش قادرة أحققلك فرحتك يا أمي ورغم كل ده بتقولي إن أنا فرحتك.. إنتى اللي فرحتي وراحة قلبي ونفسي انتي الحب الحقيقي والأمان والحياة ومن غيرك مفيش حب مفيش حياة ربنا يخليكي ليا لأخر يوم في عمرى ويقدرني اسعد قلبك ربع ما بتسعدينا كلنا.. كل سنه وانتى نور حياتي يا حياتي".