علي ربيع عن مشاركة مصطفى خاطر في "عمر ودياب": "إحنا الاتنين أبطال ومفيش تراجع"

قال الفنان علي ربيع إن مشاركة الفنان مصطفى خاطر معه في مسلسل "عمر ودياب"، بعدما قدم البطولة المطلقة العامين الماضيبن على التوالي، لا يعتبر تراجعا.

وأضاف "ربيع"، في تصريح لـ"مصراوي"،: "أنا كنت بعمل مسلسلات لوحدي وخاطر بيعمل مسلسلات لوحده، ودلوقتي إحنا مع بعض، وإحنا الاتنين أبطال".

وتابع: "ممكن نعمل فيلم فيه 3 أو 4 أبطال والعمل كله بيدور حواليهم، مفيش حاجة اسمها بطولة لوحدك، حتى في الأعمال اللي عملتها قبل كدا، كان كل اللي معايا أبطال برضه".

وأوضح: "الفكرة هي إن الأعمال بتتسوق باسمنا ومعروف إن ده مسلسل علي ربيع وخاطر، أو علي ربيع ومحمد عبدالرحمن، وهكذا، والحقيقة مش شايف إن فيه تراجع ولا حاجة".

ويشارك علي ربيع، في موسم رمضان الحالي بمسلسل "عمر ودياب"، بطولة مصطفى خاطر، محمد محمود، محسن منصور، نهال عنبر، وعدد من ضيوف الشرف، المسلسل تأليف مصطفى عمر وفاروق هاشم، من إخراج معتز التوني.‎