بيومي فؤاد يعتذر بعد أزمته مع محمد سلام: "بنروح السعودية نشتغل عشان ناخد فلوس"

حل الفنان بيومي فؤاد ضيفًا على برنامج "حبر سري" تقديم أسما إبراهيم ويعرض على قناة "القاهرة والناس".

وتطرق "بيومي" للعديد من الموضوعات منها أزمته الأخيرة في "موسم الرياض"، وعن مشاريعه خلال الفترة الماضية، كما قام بالرد على مهاجميه منهم المخرجة كاملة أبو ذكري، وعلاقته بنجوم الوسط الفني، إلى جانب عودته بمسلسل "الكبير أوي 8" في دراما رمضان هذا العام.

وتحدث الفنان بيومي فؤاد عن أزمته مع الفنان محمد سلام ودافع عن الفنان محمد أنور الذي جاء بديلًا لـ "سلام"، وكشف عن العديد من التفاصيل لأول مرة في فقرة بعنوان "قد الكلام".

وعن أزمته الأخيرة في السعودية قال أريد التوضيح لم أقصد المعاني التي فهما البعض والحقيقة هي: "احنا مش بتوع فلوس، لأ احنا بنروح السعودية عشان ناخد فلوس نشتغل وناخد فلوس، يعني في حاجتين أنا بعتذر عنهم عشان هي مضايقاهم بشتغل وباخد فلوس، وربنا يكفيكوا شر أن كوميديان يقول افيه ومايجبش، شوفتوا الأستاذ الكبير فؤاد المهندس لما الأستاذ الكبير مفيد فوزي في الكواليس حب يسأله في حاجة وهو داخل اتنرفز عليه ازاي، وده في آخر أيامه كمان الأستاذ الكبير فؤاد المهندس فأحنا نطلع ايه كم التوتر وضربات القلب السريعة وبططنا اللي بتوجعنا واحنا داخلين ده بفلوس طبعًا".

وأكمل :"ولكل الناس المحترمة اللي في يوم من الأيام حبوا بيومي فؤاد وقدروا فنه وموهبته وزعلانين مني.. أنا أعتذر لهم وأقول لهم :"انتوا فوق دماغي.. الفنان من غير جمهور ولا حاجة".

واستكمل: "اللي انتوا شايفينه احنا بنروح بقى عشان نرقص وعشان نغني وناخد قصاده فلوس محدش بيشتغل من غير فلوس، ونعمة من ربنا أن الفنان المصري محبوب عشان كده بيشيلوا أول جملة ليا في الفيديو أنا فنان مصرى وليا الشرف بيجيبوا من بعدها جيت السعودية وليا الشرف عشان أقدم فن، ولكل الناس المحترمة اللي في يوم من الأيام حبوا بيومي فؤاد احترموه قدروا فنه قدروا موهبته انتوا فوق دماغى ولو بعد الحلقة لسه زعلانين مني مستعد اجي أبوس دماغكم والفنان من غير جمهور ولا حاجة".

اقرأ أيضا:

50 صورة من حفلات سحور النجوم.. مي عمر وبسمة بوسيل ويسرا الأبرز

"مش هنرجع تاني أبدًا".. هشام ماجد يكشف سبب انفصاله عن أحمد فهمي