الحقوني.. الإعلامية منى عبدالوهاب تستغيث لإنقاذ حصان سقط من على عربة في المعادي

كتب- مينا غالي:

وجهت الإعلامية منى عبد الوهاب، استغاثة عبر صفحتها على موقع التواصل الاجتماعي فيسبوك لإنقاذ حصان مصاب بعد سقوطه من على عربة بكورنيش المعادي، مؤكدة أنها ستتكفل بتكاليف علاجه.

ونشرت منى مقطع فيديو عبر صفحتها على موقع التواصل الاجتماعي فيسبوك للحصان وعلقت عليهما قائلة: الحصان وقع من على العربية وتعبان جدا محتاجة حد في المعادي ينقله بإسعافات أولية أرجوكوا.

وأضافت: الحقوني كورنيش المعادي، أنا خليت ظابط المرور وقفهم ومحتاجة دكتور ييجي ينقل الحصان، أنا متكفلة بعلاجه وكل حاجة بس لازم بسرعة علشان الظابط مَش هيقدر يوقفهم أكتر من نص ساعة علشان المرور، كلنا عارفين أنهم لو اتحركوا بالحصان حيرموه في أي حتة يموت، أرجوكوا دكتور في المعادي.

وتابعت: عربية نص نقل من المعادي تنقله سقارة.. بسرعة أرجوكوا اللي يعرف أي سواق يحط رقمه هنا.