السيسي عن محاولة الإساءة للجيش: مركز الثقل الحقيقي.. ومحدش يخوفكم (فيديو)

كتب- محمد نصار ومي مدحت:

قال الرئيس عبدالفتاح السيسي، إن الجيش المصري هو مركز الثقل الحقيقي ليس فقط في مصر وإنما في المنطقة بأكملها.

وأضاف الرئيس السيسي، خلال المؤتمر الوطني الثامن للشباب، اليوم السبت: "يا ترى اليوم في سيناء بيتكلف كام؟ ويعدين حد جاي يخوفكم ويضيع القيمة العظيمة اللي بيعملها الجيش في مصر، إيه ده؟ ده جيش مصر، اللي هوا مركز الثقل الحقيقي مش في مصر بس في المنطقة كلها، هي جت بظروفها آه والله جت بظروفها".

وتابع الرئيس السيسي: "إزاي بقى لما تيجي تسيء، أصل الموضوع على بعضه ولا يتجزأ، النقطة دي بقى في نقاط تماس كبيرة جدًا بين الموضوعات وبعضها، في النهاية عايز أوقع مصر، إزاي أوقعها والدولة ماشية بالطريقة دي، مش هتقع إلا لما جيشها يقع، المؤامرة اللي اتعملت في 2011 على وزارة الداخلية ووزارة الدفاع لأنها مراكز الثقل التي تحمي الدولة من السقوط، قالوا نجرب ونقود الدولة وفشلوا في قيادتها فشلًا ذريعًا جدًا، ليه لأنك متعلم حاجة واحدة فقط، وعلوم بناء وقيام الدول دي قصص تانية خالص، والكلام ده قولته لكل القوى السياسية وأنا مدير للمخابرات الحربية مفيش عندكم مركز دراسات واحد".

وشهد الرئيس عبدالفتاح السيسي، اليوم السبت، انطلاق فعاليات المؤتمر الوطني للشباب في نسخته الثامنة والمنعقد بمركز المنارة للمؤتمرات بالقاهرة الجديدة.

ويحضر فعاليات المؤتمر، الدكتور مصطفى مدبولي، رئيس مجلس الوزراء، والدكتور علي عبدالعال، رئيس مجلس النواب، وعدد من الوزراء وكبار رجال الدولة، فضلًا عن مشاركة 1600 شاب من مختلف القطاعات في الدولة.

وتشهد فعاليات المؤتمر -والذي يعقد على مدار يوم واحد فقط- جلسة إسأل الرئيس والتي يجيب فيها الرئيس عبدالفتاح السيسي، على تساؤلات المصريين على الهواء مباشرة.

تابع تغطية خاصة للمؤتمر الوطني الثامن للشباب.. لحظة بلحظة (اضغط هنا)