في ذكرى رحيله.. ابنة الفنان سعيد صالح تكشف عن طقوس والدها في المسرح

كتب- محمد خميس:

قالت هند سعيد صالح، ابنة الفنان الراحل سعيد صالح، إن والدها لم يكن لديه طقوس محددة في عيد الأضحى، مضيفة: "أغلب عيده كان شغل في المسرح، ووقت ما يكون مفيش مسرح بيضحك ويبقى عيدنا".

وأوضحت "هند" في حواره لفضائية "دي إم سي" اليوم الاثنين: "مكنش بيتفرج على نفسه، وكان دايما ليه قنوات معينة بيتابعها زي الكورة والأخبار وهو بعيد تمامًا في البيت من أنه يتفرج على نفسه"، متابعة: "فكرة أنه بيشتغل فميكنش موجود في البيت دى مكنتش عنده.. وهو كان متواجد دايمًا معانا وحتى لما كان بيكون في مسرح كنت دايمًا جنبه".

وتابعت: "كان ليه طقوس في المسرح أنه كان بيروح قبل العرض بساعات ويقعد على الكرسي قدام المسرح وميعملش حاجه، وكان بيقولى أنه بيعمل كدا علشان ياخد على المكان وأنا بحبه"