تامر حبيب عن "زي الشمس": "زي ماتشات الكورة"

01:43 م الخميس 09 مايو 2019
تامر حبيب عن "زي الشمس": "زي ماتشات الكورة"

تامر حبيب

كتبت- منال الجيوشي:

عبر السيناريست تامر حبيب، عن إعجابه بمسلسل "زي الشمس"، بعد عرض حلقة أمس.

وظهرت دينا الشربيني بطلة المسلسل، وهي منهارة بعد اكتشافها خيانة خطيبها مع شقيقتها، ليحتل المسلسل صدارة "تريندات" موقع تويتر أمس.

وعلق "تامر" عبر صفحته الرسمية بموقع فيسبوك: "بعيدًا عن أي خلافات و مشاكل حدثت منذ فترة بين صناع مسلسل ( زي الشمس )، ومش عايز أخوض خالص في موضوع مين الغلطان و مين اللي الحق عليه، أنا من أول رمضان بتفرج على مسلسل محترم وممتع وجذاب وراقي ومبذول فيه مجهود من كل الأطراف قدام وورا الكاميرا".

وتابع: "امبارح كانت الحلقة الثالثة واللي قعدت قدامها متثبت ومشدود، وشديد الإعجاب والاستمتاع وعايز أصقف وأشجع بصوت زي ماتشات الكورة، كل واحد شارك في صناعة كل كادر في الحلقة دي".

وأضاف: "بالأخص النص التاني من الحلقة جاب أحلى أجوال جابها في حياته، وببذل مجهود إني ماكتبش أسامي، عشان مانساش حد، عشان كل الناس بدون استثناء عملولي حالة متعة، وخرجوني من مود كئيب سببه الجوع والإحتياج والحرمان من أي لحظة تبل ريق المحروم في شهر الصيام".

واختتم حديثه: "يرجع مرجوعنا لحلاوة حلقة زي الشمس، شكراً شكراً شكراً لكم يا أصحابي وحبايبي وزمايلي على اللي عملتوه فيا".

مسلسل "زي الشمس" بطولة دينا الشربيني، أحمد السعدني، سوسن بدر، ريهام عبدالغفور، أحمد داوود، ومن إخراج سامح عبدالعزيز.

lllllllllllllll

إعلان

إعلان

إعلان