الرئيس السيسي للمرأة وأمهات مصر: متشكرين ومقدرين.. جهودكن لا ينكرها إلا جاحد أو ظالم
كتب- أحمد السعداوي:
قال الرئيس عبد الفتاح السيسي، إن هذا اليوم جميل؛ لأننا نحتفل بالأم والأخت والابنة والمرأة المصرية.
وأضاف السيسي، خلال حضوره احتفالية تكريم المرأة المصرية والأم المثالية، اليوم الأربعاء: مش قادر أقول لكم لقائي مع السيدات الفضليات الكريمات اللي التقيت بهم واللي في كل بيت مصري، اللي بنقول لهم متشكرين ومقدرين، وبنوجه لهم التحية.
وتابع رئيس الجمهورية: حتى السيدات اللي عند ربنا دلوقتي ومش موجودين معانا، ندعو الله أن يتغمدهم برحمته؛ بحق كل سهرة سهرنها، وهدمة غسلوها، وأكلة صنعوها، وبحق كل دعوة قالوها.
واستطرد السيسي: "بنقول يا رب همّ ضيوف عندك، فتفضَّل عليهم بكرمك ولطفك ورحمتك.. يوم جميل أوي إن احنا نتذكر الفضليات العظيمات.
وأضاف رئيس الجمهورية: كل ست في بيتها بتقوم بجهد كبير لا ينكره إلا جاحد أو ظالم.. بيقول لك احنا منحازين للمرأة.. لا لا، بنتعامل بتوازن: احنا لسه ما انحازناش.
فيديو قد يعجبك: