رغم الإنجازات.. السيسي يوضح كيف أجاب عن سؤال: أنت ليه مش فرحان؟

كتب- محمد نصار:

قال الرئيس عبدالفتاح السيسي، إنه يتمنى ويحلم بتنفيذ 3 أو 4 مليون وحدة سكنية.

وأضاف السيسي على هامش افتتاح عدة مشروعات في مدينة 6 أكتوبر، السبت: من كام يوم حد بيقولي هو انت مش فرحان، ده كتير أوي، قولتله مش بشوف اللي اتعمل، بشوف اللي متعملش، وده كتير

وأضاف السيسي: بفكر المصريين لما بدأنا ننشئ المدن الجديدة، تم شن حملة للتشكيك وعدم الثقة، أو اللي مش فاهم، وده قضيته معانا بالوعي، بقول لكل المصريين، هل ما زلتم شايفنا مهتمين فقط بالطبقة المتوسطة والأغنياء ولا للكل، ده سؤالي على اللي بتشوفوه على مدى 6 أو 7 سنوات

وأوضح: يعني هي القضية قضية إسكان، فيه ناس قالت علمهم الأول، أعلمهم وهم كده، دي شخصية هتبقى رافضة كل شيئ، بقول لكل الناس في وزارة التضامن، من فضلكم مزيد من البرامج، عشان نخرج الناس من الحالة دي.​