"صعايدة بشفايف منفوخة وفيلر وبوتكس" مؤلف ينتقد ممثلات في دراما رمضان 2023
-
عرض 3 صورة
-
عرض 3 صورة
-
عرض 3 صورة
تطبيق مصراوي
لرؤيــــه أصدق للأحــــداث
كتب-مصطفى حمزة:
انتقد المؤلف أيمن سليم مظهر عدد من الفنانات اللاتي ظهرن في دراما رمضان 2023، وأرجع السبب لخضوعهن لعمليات التجميل والاستعانة بالبوتكس والفيلر مما تسبب في تغير ملامحهن.
وكتب عبر حسابه الخاص على الفيسبوك:"أزمة كبيرة بتتعرض ليها الممثلات فى مصر وهي إنها لازم تكون حلوة علشان تبقى ( نجمة ) فبتضطر تلجأ لعمليات التجميل والبوتكس والفيلر و تهتم بلبسها وشكلها علشان تتطلب ، ولما بتتطلب بيكون مطلوب منها تتخلى عن كل الحاجات دي علشان تبقى طبيعية وتعبيراتها حقيقية وشبه الناس العادية علشان تنجح في الدور".
واستكمل:" لإن ده صعب يحصل فبقينا نشوف شخصيات تحت خط الفقر حاطين ضوافر صناعية و شفايف منفوخة ووش بيشع دموية، وأمهات من غير ولا تجعيدة ، وصعايدة برموش و full make up وحقب تاريخية بالفيلر والإكستنشن .. ده خارجيًا إنما داخليًا بقى فلإن الإهتمام بالشكل هو اللي بيجيب الشغل فللأسف أغلب الممثلات مابقوش يركزوا في التمثيل أصلًا وبقينا نشوف أدوار باللغة العربية الفصحى بتتنطق غلط ومخارج حروف بايظة و انفعالات مش في محلها ، وأخطاء بالجملة نتيجة لعدم التحضير أو البحث في أبعاد الشخصية اللي بتتقدم".
لو المخرجين ماتساهلوش في الإختيار وجابوا ممثلين شكلهم طبيعي أعتقد موضة الوجه الطبيعي العادي هترجع تانى لكن طول ما إحنا بنشوف أم بوتكس و فيلر أول واحدة بيتم اختيارها هتفضل ريفرنس لكل الممثلات واللي لسه مابوظتش شكلها هتجري تبوظه علشان تتطلب وتشتغل".
يذكر أن أيمن سليم عُرض له مؤخرا مسلسل "أزمة منتصف العمر" بطولة ريهام عبد الغفور ورشدي الشامي وعمر السعيد وعدد من نجوم الفن.
فيديو قد يعجبك:
