إعلان

"الأزمة كبيرة".. السيسي: محتاجين نبذل جهد أكبر في 2023

11:30 ص الإثنين 09 يناير 2023

الرئيس عبدالفتاح السيسي

كتب- محمد عمارة:

قال الرئيس عبدالفتاح السيسي، إن الظروف الحالية في عام 2023، تحتاج منا إلى بذكل جهد أكبر خلال الفترة المقبلة.

وأضاف الرئيس السيسي خلال فعاليات المؤتمر الأول للتحالف الوطني للعمل الأهلى التنموي، اليوم الاثنين: "بصراحة ظروف عام 2023، محتاجة نبذل جهد أكثر، لأن الأزمة كبيرة وليها تبعات كبيرة، دي أزمة كبيرة وليها تأثير كبير، إذا كان كيان التحالف بيشتغل، أنا متصور محتاج يتضاعف الجهد في 2023".

وأضاف: "بدعو الجميع للمساهمة أكثر، وإحنا من الحكومة أو صندوق تحيا مصر، نساهم أكثر من كده، أنا بهنيكم على التواجد بتاعكم، أنا على اتصال بيكم، وبكلم ناس فيكم، أنا متابع وشايف أفكار جميلة جدا تتناسب مع ظروف المجتمع، لما نلاقي حد زي الحاجة رضا منديهاش فدان ولا اتنين، نديها مزرعة كاملة، ربنا يوفقك، انتي من ستات مصر الجدعين، بهنيكم وكل سنة وانتوا طيبين، محتاجين مزيد من الجهد".

وتابع: "أنا سعيد بالنماذج التي تم عرضها اليوم.. دي نماذج من عدد كبير جدا من مصريين ومصريات مستفيدين من مبادرة التمكين الاقتصادي، بشكركم على النجاح، لأنكم نموذج وأمل للناس يشوفوا النجاح اللي اتحقق، أتمنى التوفيق للجميع، مش عايز أنسى، بشكر كل الكيانات التي تعمل في العمل الخيري، سواء داخل أو خارج التحالف، وده دور احنا محتاجينه، مؤسسة المجتمع المدني بتقوم بدور متعرفش الحكومة تقوم بيه، وده خلينا نعترف بيه يا دكتور مصطفى، عندنا أكثر من 50 ألف جمعية، الحشد اللي بيتم مطلوب".

واستكمل: "الجهد اللي التحالف بيقوم بيه واضح جدا خلال السنة دي، لازم نشكر كل المساهمين سواء من مصر أو خارج مصر، بنشكرهم على دعمهم لأن الكلام ده بيتم من خلال دعم كل إنسنا عنده الثقة وجواه الخير عشان القدرة والمساعدة اللي عنده تظهر للناس، يعني الـ10 مليار اللي اتقالوا، دي أموال متبرعين".​

فيديو قد يعجبك: