السيسي: يجب وضع قانون ملزم لحل مشكلة الانفصال بين الأزواج

كتب- محمد جمعة:

طالب الرئيس عبد الفتاح السيسي، بوضع قانون ملزم للأحوال الشخصية يشارك الجميع في مناقشته، وكذلك إيجاد عقد زواج يعمل على حل مشكلة الانفصال الأسري.

وقال السيسي، خلال مداخلة هاتفية مع برنامج "صالة التحرير" المذاع على فضائية "صدى البلد"، مساء الثلاثاء: "الأسر اللي فيها انفصال زادت بشكل كبير خلال السنوات العشرين الأخيرة، رغم كل المحاولات اللي اتعملت عشان تصوب وتحقق شكل من أشكال التقاضي يقل بيها حجم النزاع والخصومة".

وأضاف: "على مستوى الدول، تضع الشريعة والدين عوامل ضبط، وعشان أحقق نتيجة حقيقية لازم قانون يلزمنا كلنا، ولازم نقعد كلنا مع بعض ونسمع بعض، ولو طلبت ده من معالي المستشار (عبد الله الباجا) إن مجموعة من القضاء الحاليين والسابقين مشهود لهم بالقدرة، والحقيقة كتير منهم يتمتعون بقدر كبير من التوازن، هما شافوا إجراءات التقاضي بتعمل إيه".

وتابع: "عايزين عقد زواج يحل المسألة، أنا قلت الكلام ده من 3 سنوات، واهتميت بالموضوع منذ كان أخي شغال في النيابة وبيحكيلي عن الآلام اللي بسمعها دلوقتي بتتكرر".