محمد فراج عن الحلقة الـ28 من "الاختيار": فيها مشاعر هزت اللي اتفرجوا عليها

01:14 ص السبت 23 مايو 2020

تطبيق مصراوي

لرؤيــــه أصدق للأحــــداث

كتبت - ياسمين الشرقاوي:

علق الفنان محمد فراج على الحلقة الـ 28 من مسلسل "الاختيار"، والتي وثقت تضحيات الجيش المصري والهجوم الإرهابي على كمين البرث.

ونشر "فراج"، صورًا للشهداء الحقيقيين ولأبطال المسلسل عبر حسابه بـ"إنستجرام"، وعلق عليها: "كانت حلقة عظيمة فيها كمية مشاعر هزت كل اللى اتفرجوا عليها و أنا من الممثلين اللى كان ليهم الشرف وشاركت فى عمل بيحكى عن بطولات جيشنا المصرى وقواتنا المسلحة قبل كدة فعارف قد إيه صعب ومُهلك إنك تطلع عمل درامى من النوع ده بالشكل المحترم والمشرف ده وبالصورة المبهرة دى".

وتابع: "بشكر من القلب كل اللي عمل على إن المسلسل ده يطلع للنور من أول شركة الإنتاج (سينيرچى) / المخرج بيتر ميمى / المؤلف باهر دويدار / مدير التصوير حسين عسر وكل الكرو.. أمير كرارة اللى عمل دور متهيألى إنه هيعيش فى قلوب الناس لفترة طويلة قوى وكل الممثلين اللى ظهروا فى الملحمة دى.. براڤو براڤو براڤو".

وأضاف: "تحية كبيرة قوي لأبطال مصر الحقيقين شهداء ملحمة البرث وغيرهم كتير من الشهداء اللى ضحوا بحياتهم ولسه بيضحوا فى سبيل إن الوطن ده يفضل آمن ونعيش فيه واحنا مطمنين".

مسلسل "الاختيار" بطولة أمير كرارة وأحمد العوضي ودينا فؤاد وسارة عادل وضياء عبد الخالق وعدد كبير من الفنانين، وهم محمد إمام، آسر ياسين، محمد رجب، إياد نصار، كريم محمود عبد العزيز، ماجد المصري، صلاح عبد الله، كريم عبد الخالق، محمد عز، مها نصار، وآخرين، تأليف باهر دويدار وإخراج بيتر ميمي، وإنتاج شركة سينرجي.