طريقة عمل كانيلونى باللحمة المفرومة

كانيلونى باللحمة المفرومة من المطبخ الإيطالى

وقت التحضير : 10 دقائق

وقت الطهي : 20 دقيقة

الوقت الكلى : 30 دقيقة

عدد الاشخاص :4

المقادير

• 1 x عدد علبة عجينة كانيلونى جاهزة
• ¼ x كوب (240 مللى) جبنة بارميزان (مبشورة)
• مقادير صوص البشاميل
• 4 x معلقة كبيرة دقيق
• 4 x معلقة كبيرة زبدة (مكعبات)
• 2 x معلقة كبيرة زعتر (فريش)
• 2 x عدد ورق لورا
• 1 x معلقة صغيرة ملح
• 1 x لتر لبن كامل الدسم
• 1 x عدد حباية جزر (مقطعة لقطع كبيرة)
• 1 x عدد بصلة (مقطعة لقطع كبيرة)
• ½ x معلقة صغيرة حباية جوزة الطيب (مبشورة)
• مقادير تعصيج اللحمة المفرومة
• 2 x معلقة كبيرة سمن (أو زيت)
• 1 x معلقة صغيرة زعتر (اختيارى)
• 1 x عدد فص ثوم (مفروم)
• 1 x معلقة صغيرة بهارات لحمة
• 1 x معلقة صغيرة فلفل اسود مطحون
• 1 x معلقة صغيرة ملح
• 1 x عدد بصلة
• ½ x معلقة صغيرة قرفة (اختيارى)
• ½ x كيلو لحمة مفرومة

طريقة العمل

1. احضرى البشاميل ويكون خفيف القوام
2. فى حلة على النار ضيفى اللبن والجزر والبصل واللورا والزعتر واتركيه يغلى ، ثم صفيه من المكونات واتركيه يبرد.
3. فى حلة على النار سيحى الزبدة وضيفى الدقيق وقلبيهم جيدا ليتجانس.
4. وضيفى اللبن تدريجيا على الزبدة والدقيق وقلبيهم جيدا وبسرعة لحد ما قوام الصوص يتماسك ويبدأ يغلى ويكون الباشاميل جاهز
5. احضرى اللحمة المفرومة
6. ثم قطعى البصلة مكعبات صغيرة.
7. فى حلة على نار متوسطة ضيفى معلقتين سمنة وضيفى البصل وقلبيهم جيدا إلى ان يتحول للون الذهبى.
8. ثم ضيفى فص الثوم المفروم وقلبيهم جيدا.
9. اخفضى النار وضيفى اللحمة وفتتيها جيدا بمعلقة خشب.
10. ثم ضيفى البهارات وقلبيهم جيدا لحد ما اللحمة يبقى لونها بنى فاتح.
11. اتركى اللحمة على نار هادية وقلبيها كل شوية لحد ما تنزل ميتها وتشربها تانى.
12. قبل ما نحشى عجينى الكانيلونى لازم نتأكد ان اللحمة المفرومة بردت لأنها لو سخنة هتبوظ العجينة.
13. احضرى الصينية البايركس وضيفى بشاميل ،ثم ابدئى فى حشى العجينة، اغلقيها من ناحية بإدينا من تحت واحشيها باللحمة المفرومة باستخدام معلقة صغيرة إلى ان تملأ ، ثم رصيها فى الصينية.
14. بعد رص كمية الكانيلونى كلها ضيفى باقى البشاميل فوق الكانيلونى و ضيفى الجبنة المبشورة.
15. ادخليها الصينية الفرن على درجة حرارة 180 لمدة 20 دقيقة وبالهنا والشفا.

يمكنك متابعة أهم وأحدث المقالات على الفيس بوك عبر صفحة مصراوى - هو وهي