القصة الكاملة لإنقاذ عمارة لميس سلامة من حريق كبير (صور)

كتب- وائل توفيق:

وجهت المذيعة لميس سلامة استغاثة إثر تعرض مسكنها لحريق كبير.

وكتبت عبر صفحتها الخاصة بموقع التواصل الاجتماعي "فيسبوك": "جماعة محتاجين النجدة والمطافي بسرعة للي في الإسماعيلة أرجوكم عمارتنا في شبين الكوم فيها حريق كبير حد يساعدنا".

وتابعت استغاثتها في منشور آخر قائلة: " محتاجين مطافي بسرعة أرجوكم الأسلاك بتنفجر".

وبعد وصول 3 عربيات إطفاء من الحماية المدنية، طمأنت لميس سلامة متابعيها: " الحمدلله شكرا لمطافي الإسماعيلية ولكل ظباط ومأمور الأقسام هنا اللي لحقونا في عشر دقايق".

وعبرت عن امتنانها لأحد الضباط: "أنا عايزة أشكر الظابط المحترم ده لإنه لما لاقي الموضوع كبير وعربيات المطافي مش ملاحقة لبس ودخل بنفسه جوة الحريق بقوله استني يافندم هيطفوها بالخراطيم قالي لازم ننقذ السكان وبقي يطلع الأجهزة من جوة بنفسه ويساعد الرجالة اللي معاه الله يباركله ويحفظه ويسترها مع ولاده".

وتابعت: "تحية ليه ولكل الرجالة اللي معاه ولمأمور قسم ثان اللي في ثواني كان هنا وكل الظباط المحترمين اللي كانوا معانا النهاردة..الحمدلله".