مرتضى ولّا حازم إمام؟.. أحمد صلاح حسني يرد على سؤال من الأنسب لرئاسة الزمالك

كتب- مينا غالي:

رد الفنان أحمد صلاح حسني، على سؤال بأنه لو هيختار رئيس لنادي الزمالك هيكون مرتضى منصور ولا حازم إمام.

وقال حسني خلال لقاءه ببرنامج حبر سري مع أسما إبراهيم على قناة القاهرة والناس: "بتدخلوني في حتة كده.. أنا راجل أهلاوي أصلا.. المستشار مرتضى منصور أنا بحبه جدًا تربطني به علاقة قوية وبحبها جدا، وحازم إمام صديقي وزميل ومن الناس اللي أنا بحبها جدا، فمن الصعب إني أجاوب على السؤال ده".

وأضاف: "لو هختار رئيس.. احتراما للمستشار مرتضى منصور هو بيحب نادي الزمالك جدا والجمهور بيحبه جدا ويمكن بيعتبر أب لنادي الزمالك.. يمكن طريقته tough (صارمة) شوية بس هو راجل طيب جدا وصريح جدا.. فأنا إجابتي هتكون دبلوماسية شوية، بس هبقى عايز أ. مرتضى منصور لحد ما يكون مش قادر ومن بعده على طول حازم إمام".