قال حسام المندوه أمين صندوق نادي الزمالك، إنّ مجلس الإدارة الحالي عندما تسلم المسؤولية كانت مديونية قطاع كرة القدم مليار جنيه، موضحًا: "معظم اللاعبين مكانوش خدوا أكتر من 80% من مستحقاتها لما وصلنا لنادي الزمالك، وإحنا بنتكلم ويمكن وأنا قاعد النهاردة دلوقتي مع حضرتك، يمكن فيه اجتماع مع اللاعبين عشان الفترة اللي جاية، اللاعبين وصلوا لغاية هذه اللحظة لحوالي 75 لـ 80% من الموسم الماضي".
وأضاف في لقاء مع الإعلامية لميس الحديدي، مقدمة برنامج "الصورة"، عبر قناة النهار، أنّ لاعبي نادي الزمالك لن تتذمر بسبب مستحقاتها، لكنهم يطالبون بها، وهذا حقهم.
وسألته الإعلامية لميس الحديدي: "يعني فتوح مش متذمر؟"، ورد نافيا: "لا، لا خالص، على فكرة أنا مش عارف، أنا من إمبارح لغاية دلوقت حتى وأنا جاي قالولي إيه هيسألوك، هتسألك في فتوح، أنا والله ما عارف أتذمر فتوح فين، فتوح مصاب".
وسألته لميس الحديدي، قائلة: "ما وصلنا أن فتوح لا يشعر بالتقدير الكافي ويشعر بأنه لا يحصل على حقه، ووكيل أعماله يقول مش هنقدر نكمل بالشكل ده"، ورد قائلا: "والله ما في حاجة من الحاجات دي خالص وصلتلنا. إحنا عملنا اجتماع مع اللعيبة يمكن في أول الموسم وقعدنا حتى مع فتوح مثلًا مفيش.. يعني مسمعناش الكلام ده خالص يعني".
وواصل: "وبعدين برضه أقول لحضرتك على حاجة، هو لو في لاعب حاسس إنه عنده مشكلة في عقده ما هو بيطلب يقعد يتكلم وإحنا على فكرة جددنا التعاقد مع فتوح في أول ما جينا، ووكيله جه واتكلمنا وفتوح يقدر قد إيه".
وسألته لميس الحديدي: "يعني مش صحيح إنه عايز 50 مليون؟ الرقم ده مش مظبوط؟"، ليرد عليها قائلا: "المعلومة دي مسمعتهاش من حد خالص، لا منه، ولا من وكيل أعماله، ولا من جهاز الكورة، ولا من حاجة خالص".
