بفضل ربنا.. السيسي يطمئن المصريين: ماعندناش مشكلة في أي شيء

كتب- أحمد السعداوي:

قال الرئيس عبد الفتاح السيسي، إن هناك نقاشًا كبيرًا دائمًا يقول يا ترى إحنا كنا محتاجين نعمل كل الشغل ده؟ وهل له آثار إيجابية ولّا سلبية؟

وأضاف السيسي، خلال حضوره احتفالية تكريم المرأة المصرية والأم المثالية، اليوم الأربعاء: أتكلم عن مشروع قومي لزيادة حجم قدرتنا على تخزين القمح في الصوامع، لتصل إلى 5.5 مليون طن.

وتابع رئيس الجمهورية: آه حطينا فلوس كتير؛ لكن لقينا تمن اللي بنفقده سنويًّا، حوالي 20% من اللي موجود؛ هانقول احنا بنستهلك 17 أو 15 أو 10 ملايين طن قمح، طب الـ20% يعني 2 مليون، تمنهم كام؟ بنسيبهم في أماكن مفتوحة، ولما عملناهم النهارده مخزون القمح بقى يكفي 4 أشهر.

واستطرد السيسي: ماعندناش مشكلة لا في سلع أساسية ولا أي شيء، حاجتنا موجودة وبزيادة وده بفضل ربنا.

واستطرد الرئيس: كمثال أيضًا، مستودعات البوتاجاز، والموانئ كل شتاء ماكانتش قادرة تستوعب عشان المستودعات تكفي 8 أيام، دلوقتي عملنا مستودعات للبوتاجاز والزيوت اللي بنستخدمها.