ياسمين صبري: "الله هو مصدر طاقتي"

كشفت الفنانة ياسمين صبري عن تفاصيل حياتها اليومية وطبيعة عملها، موضحة حجم الضغوط التي تتعرض لها بسبب كثرة ارتباطاتها الفنية وسفرها المستمر، إلى جانب حديثها عن علاقتها بالنوم وحرصها على الاستماع إلى احتياجات جسدها.

وقالت "ياسمين" خلال لقائها مع الإعلامية لميس الحديدي، ببرنامج "موعد من لميس"، عبر موقع "مصراوي"، إنها تعاني من عناء وشقاء وكبد.

اهتمام ياسمين صبري بعلوم الطاقة

وعن اهتماماتها بعلوم الطاقة، ردت ياسمين: "أنا دلوقتي مابقتش أحب أتكلم فيها من كتر ما الناس كلها بقت تتكلم فيها وخدتها في سكك غريبة وبقى الموضوع عشوائي، أنا الله هو مصدر طاقتي، وده مفيش أقوى من كدة مصدر"

وعن كثرة سفرها بسبب ارتباطاتها المختلفة، خاصة مع تصوير الأعمال الفنية والإعلانات، أوضحت أن السفر يمثل لها إرهاقًا كبيرًا، رغم اعتيادها على التنقل بين دول ومدن مختلفة، وتابعت: "جداً، أنا عايزة أقولك إني مابحبش الطيارات، أنا بخاف منها، تخيلي! بخاف من الطيارات، بخاف من المطبات وبترعش وأعرق وبيحصلي حاجات غريبة، بخاف جداً بس هعمل إيه؟".

عدد ساعات عمل ياسمين صبري

وكشفت ياسمين صبري عن عدد ساعات العمل التي تقضيها خلال تصوير الأعمال الفنية والإعلانات، قائلة: "في تصوير الأفلام والمسلسلات بشتغل 12 ساعة، في الإعلانات والجزء التاني 10 ساعات".

وأكدت أنها تحرص رغم ضغط العمل على الاستماع إلى احتياجات جسدها وعدم تجاهل إشارات التعب، موضحة: بس أنا إنسانة بعرف أحترم جسمي وأحترم تعبي وأحترم إني أسمع كلامه، اللي هو أنا جعان أكليني أكل، أنا عايز أنام أنام، أنا مش مكتفي من نوم أنيمني تاني، أنا بحترم جسمي جداً".

عدد ساعات نوم ياسمين صبري

وعن عدد ساعات النوم التي تحصل عليها يوميًا، فاجأت ياسمين صبري لميس الحديدي قائلة: "بنام كتير أوي، في العادي بنام 12 ساعة، كأني رايحة أمريكا، أنا على فكرة نص عمري والله العظيم نايمة، لو عندي بقى شغل وكدة بيبقوا 10".

وأكدت ياسمين صبري أنها لا تفضل تقليل ساعات نومها، مرادفة: "10 ساعات ده أوكيه بس مش أقل من 10، عشان أعرف أركز أعرف أجمع، عقلي يبقى حاضر، أعرف أبقى موجودة فعلاً".

اقرأ أيضا..
ياسمين صبري: "ربنا خلقنا طبقات.. حتى في الجنة إحنا طبقات"

مش مطلوب تبقي صوفيا لورين".. ياسمين صبري توجه رسالة للمرأة

ياسمين صبري: "بدأت اشتغل وعمري 17 سنة واتعلمت أكسب فلوس من بدري"