ياسمين عبد العزيز عن التفكير في الزواج مرة أخرى: "مقدرش أدخّل راجل غريب على ولادي"

كتب- حسن مرسي:

قالت الفنانة ياسمين عبد العزيز إن قرار الزواج مرة ثانية صعب بالنسبة لها، لأن منظومة الزواج في حد ذاتها مسؤولياتها أصعب، مضيفة: "أنا عندي عقدة من الجواز ومن الرجالة، والدي ووالدتي انفصلوا عن بعض وكان عمري 9 سنين".

أضافت عبد العزيز خلال حوارها مع الإعلامية منى الشاذلي ببرنامج "معكم"، المذاع عبر قناة "سي بي سي" اليوم الخميس، أنها لا تدري إن كان يمكنها أن تقوم بهذه الخطوة مرة أخرى، قائلة: "عشان اعمل الخطوة دي تاني مش عارفة اقدر ولا لأ.. خطوة صعبة وعندي ولاد مقدرش ادخل عليهم راجل غريب".

تابعت الفنانة: "اللي اتجوزوا خدوا إيه يعني، لو حد فاتحني في جواز ممكن اقلبها ضحك.. أنا مركزة مع ولادي وشغلي بس، بس برضو انا محدش يتوقعني، ممكن تطلع في دماغي وتلاقوني في الكوشة وعامله فرح تاني يوم".