ميدو يلمح لـ"هروب الشناوي" ويهاجم اللاعبين "العيال"

علق أحمد حسام ميدو، المدير الفني الأسبق لناديي الزمالك والإسماعيلي، ومحلل قنوات بي ان سبورت، على هزيمة الزمالك الكبيرة أمام صن داونز، بذهاب نهائي دوري أبطال إفريقيا، بثلاثية نظيفة.

وقال ميدو، في تغريدات عبر "تويتر": "الشناوي إصابته ايه؟؟بتمنى تكون إصابة كبيرة!! مزق اقل شيء لان لو اَي حاجة اقل من المزق هزعل منه جدا!! وانا بحبه!!".

وكان الشناوي تعرض لإصابة خلال المباراة بعد شكواه من إصابة بالعضلة الأمامية، ليخرج في الدقيقة 63 ويحل بدلا منه محمود عبدالرحيم جنش.

وأوضح ميدو أن الزمالك يدفع ثمن "تمن الدلع والطبطبه على اللاعيبه اللي مش عايزه تجددله"، مضيفا: "العيال اللي الزمالك عملهم بني أدمين دلوقتي بيتمردوا عليه!!".

وأردف ميدو: "الكلام ده مش كلام ميدو المدرب ولا ميدو المحلل ده كلام ميدو مشجع الدرجة التالتة القديمة اللي كانت في وش المقصورة تحت بِسْم الله الرحمن الرحيم".

واختتم: "اخيراً التاريخ بيقول اللي بييجي على الزمالك مابيكسبشطول حياته..وهفكركم!!".

وتقام مباراة الإياب على ستاد برج العرب بالإسكندرية يوم السبت 23 أكتوبر، ويحتاج الزمالك للفوز بأربعة أهداف نظيفة للتتويج بالبطولة القارية.