رد المستشار مرتضى منصور، رئيس نادي الزمالك، على تعليق مسؤولي نادي أهلي جدة على تصريحاته السابقة والتي قال فيها "أهلي جدة نصب على الزمالك"، وقال: "أنا مبحبش قلة الأدب، ومش بحب المنظرة سواء من الناس اللي جوة مصر أو خارجها".
وقال "منصور" في مداخلة على قناة LTC، مع الإعلامي خالد الغندور، "يا ملك السعودية فريق أهلي جدة بيشوه صورتكم في الخارج، أنا ليا مليون و300 ألف دولار، والميعاد كان 1 ديسمبر، ومش عايزين يدفعوهم".
وأضاف: "عايز سبب واحد لعدم دفع باقي قيمة صفقة انتقال اللاعب محمد عبد الشافي، وإحنا المصريين محترمين وزي ما بنحترمكم احترمونا، وأقسم بالله لو مش أخدت الفلوس عبدالشافي مش هيرجع السعودية لو رجع مصر".
واختتم حديثه، بقوله:" إحنا مش شغالين خدامين عندكم، وبعدين يا أخي أوفي بالعهود، دي الكعبة عندكم يعني".
