عمرو أديب عن "الاختيار 3": الشاطر كان بوابة مصر "لو عايز تبيع كتاكيت تعدي عليه"
كتب : مصراوي
11:00 م
18/04/2022
الإعلامي عمرو أديب
تابعنا على
كتب- محمد جمعة:
هاجم الإعلامي عمرو أديب، جماعة الإخوان، بعد ما كشفته التسريبات الحقيقية التي تذاع في مسلسل "الاختيار 3" لعدد من قياداتهم.
وقال أديب، خلال تقديمه برنامج "الحكاية" المذاع على فضائية "MBC مصر"، مساء الإثنين: "في ناس كانت تحت السرير في 30 يونيو، وناس كنت متخيلها مع الإخوان، لكن تبين إن الإخوانجية لم يكن لهم حليف وكانوا بـ 100 وش".
وأضاف أديب: "واضح في التسريبات إنهم بيكرهوا عبد المنعم أبو الفتوح، والشيخ حازم صلاح أبو إسماعيل مفاجأة مدوية شايفينه مجنون ومتطرف، كمان أيمن نور اللي جابوه يوم القعدة الشهيرة عن سد النهضة وإثيوبيا".
وتابع أديب: "الإخوان خونة في بعضهم، وشوفت بعيني واحد منهم يوم الثورة لابس البدلة بيلف على الفضائيات.. وأقسم بالله الناس دي كانت بتخون بعض ولم يكن لهم شرف ولا كرامة وربنا خلصنا منهم.. حتى البلتاجي قالي أنا على التربيزة دي وسط 3 من إخوانه إن الراجل ده -يقصد مرسي- ماينفعش رئيس وصدق نفسه".
واستطرد أديب: "الناس شايفه دور خيرت الشاطر في مسلسل الاختيار إنه كان يملي رأيه على مرسي ويدير إدارة كاملة.. أنا بأكد إن دي حقيقة ومرسي كان بصمجي، وهو اسم الاستبن جه لمرسي إزاي؟، بعد ما جابوه بديلا للشاطر".
وتابع: "الشاطر كان بوابة مصر وقت حكم الإخوان، ومحدش يعرف يدخل مصر وقت الإخوان غير لما يعدي عليه، لو عايز تبيع كتاكيت صفراء أو تعمل كمبوند لازم تعدي على خيرت الشاطر".
