بعد ارتفاع قيمتها.. الإفتاء: بطريقة سهلة اعرف حسبنا قيمة زكاة الفطر إزاي

كـتب- علي شبل:

مع أول أيام شهر رمضان المعظم، أعلنت دار الإفتاء المصرية، وبالتنسيق مع مجمع البحوث الإسلامية بالأزهر الشريف، قيمة زكاة الفطر اهذا العام وهي 35 جنيهًا كحدٍّ أدنى بعد أن كانت قيمتها 15 جنيها في رمضان 2022، و 30 جنيهًا في رمضان 2023، وبطريقة سهلة وبسيطة وميسرة ولغة عامية أيضا كشفت دار الإفتاء عن كيفية حساب وتحديد قيمة زكاة الفطر لهذا العام رمضان 2024ّ

وقالت الإفتاء، في بيان نشرته عبر الصفحة الرسمية للدار على فيسبوك:

(حسبناها على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر.

بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا.

طيب سعر أردب القمح كام السنة دي ٢٠٠٠ جنيه مصري من أحسن الأنواع

وأردب القمح فيه ١٥٠ كيلو

يبقى سعر الكيلو كام ١٣.٣٣ ثلاثة عشر جنيه وثلاثة وثلاثون قرشًا تقريبًا

طيب والزكاة أد ايه في القمح ( ٢.٠٤ كيلو)

يبقى نضرب ٢.٠٤كيلو * ١٣.٣٣

يطلع الناتج ٢٧.١٩ جنيه مصري

ودار الإفتاء قالت إنه ٣٥ جنيه يعني زودت كمان عن الحد الأدنى بشويه

و ٣٥ جنيه الحد الأدنى (يعني طلع أكتر من ٣٥ جنيه لو معاك ودخلك يسمح لك)

بس اللى مش هيقدر فأقل حاجه يطلعها عن الفرد ٣٥ جنيه

طيب أنا شايف إن ٣٥ جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٥ جنيه ولا تلزم غيرك يطلع زيك لأن ممكن يكون غير قادر

كمان تقدر تطلعها فلوس لا تشتر بها شيء

لأن بعض الناس مفكره إن ناخد الفلوس نشتري بها أرز مثلا

لأ طلعها فلوس وربنا يتقبل منك

كمان يجوز إخراجها من أول رمضان لحد قبل صلاة العيد، ولو ما عرفتش فلا مانع إنك تطلعها يوم العيد لحد غروب الشمس ودا على مذهب الشافعية ومن وافقهم).

اقرأ أيضًا:

بالفيديو| حالة يجوز فيها جماع الزوجين في نهار رمضان.. يكشف عنها أمين الفتوى

اعرف قبل رمضان.. آداب التعامل مع المصحف الشريف منها 13 امراً مهماً

اعرف قبل رمضان.. هل يقبل الصيام بدون صلاة؟

اعرف قبل رمضان.. أيهما أفضل في التهجد وقيام الليل: إطالة القراءة أم عدد الركعات؟

ما حكم أدوية تأخير الحيض لصيام رمضان كاملاً؟.. أمين الفتوى: يجوز بشرط