حمو بيكا: "أنا عمرو دياب الغلابة"

كتب - معتز عباس:

قال مؤدي المهرجانات حمو بيكا، إنه ساعد حسن شاكوش وعمر كمال، في بداية مسيرتهم، مضيفًا: "إنه كان يوجه حسن شاكوش أمام الميكرفون".

وأضاف "بيكا"، في لقائه ببرنامج "العرافة"، المذاع على قناتي "المحور" و"النهار"، اليوم الثلاثاء:"كنت بوجه حسن شاكوش يقف قدام المايك لما ييجي يغني، وهو اللي جه يقولي عايز أغني معاك ومكنتش أعرفه، وأنا كنت عمرو دياب الغلابة وعندي الدليل".

واختتم: حسن شاكوش مكنش عنده استوديو وهو بيحط ممول عشان أغانيه تجيب مشاهدات.. أول أغنية عملتها لحسن شاكوش جابت 15 مليون مشاهدة.. وأنا اللي طلعته للنور ولما اتشهر والغرور خده مني بقى يعمل أغاني لوحده".

وأكمل، قائلًا: "حسن بيحب السهر ومش بيحب الشغل وأنا مش بسهر، وهو مش مركز في شغله ووقع، وهو مش محبوب ولا مشهور أكتر مني، وروحتله الفرح عشان هو صاحبي ولازم اجامله، وبيقوله كله جاله مجاملة من غير فلوس، أمال هو دفع كل دا في ايه.. أنا اللي طلعت حسن شاكوش للنور ولما اتشهر الغرور خده مني".