الاختيار 3 الحلقة 28.. خيرت الشاطر أثناء ثورة 30 يونيو: لازم الناس تخاف تنزل من بيوتها

كتب- عبد الفتاح العجمي:

شهدت الحلقة 28 من مسلسل الاختيار 3، عقد اجتماعا بين أعضاء مكتب إرشاد جماعة الإخوان إبان ثورة 30 يونيو 2013.

وخلال "الاختيار 3 الحلقة 28"؛ يطرح أحدهم فكرة قبول انتخابات رئاسية مبكرة، فيرد القيادي الإخواني خيرت الشاطر (خالد الصاوي): "لأ مفيش أي انتخابات رئاسية ولا أي حاجة من الكلام الفارغ ده، مش هنتراجع خطوة واحدة لورا، التنازلات بتجيب تنازلات".

يضيف الشاطر: "بعد الناس دي ما تفضل في الشارع يعني إيه اللي هيحصل؟ هي دي اللحظة بتاعتنا، هو ده دورنا دلوقتي، اللي بدأ يحصل من النهاردة في سيناء واللي هيحصل من بكره في كل محافظات مصر هو ده اللي هيحدد مصيرنا".

تابع: "إحنا لازم نخاطب العالم باللغة اللي بيفهمها، لازم اعتصام رابعة ده يبان زي ما التحرير باين، وعايزين نقول للعالم كله هما اللي بيقتلونا وبيحرقوا مقراتنا وبينتقموا مننا لأن إحنا اللي بنمثل الثورة المصرية التي أبهرت العالم".

اختتم: "عايزين اعتصام رابعة ده يبقى دولة جوه الدولة، نأمنه بالأكل والشرب والسلاح عشان يستمر لأطول وقت ممكن، عايزين المجموعات النوعية تشتغل بإيقاع سريع جدا، عايزين الناس تخاف تنزل من بيوتها، ونبدأ من المناطق الشعبية، ونبلغ الأخوة المجاهدين أنهم لازم يقفوا معانا دلوقتي، وإنهم لو سابونا نقع دلوقتي فالدور جاي عليهم بكره".

مسلسل "الاختيار 3" بطولة: كريم عبدالعزيز، أحمد عز، ياسر جلال، أحمد السقا، صبري فواز، خالد الصاوي، عبدالعزيز مخيون، جمال سليمان، محمد رياض، منذر رياحنة، هيدي كرم، هشام إسماعيل، أمير المصري، وإيمان العاصي وغيرهم، ومن تأليف هاني سرحان، وإخراج بيتر ميمي.