بالفيديو- مصراوي يقدم أقرب هدية لقلب الأم في عيدها

إعداد- (قسم الملتيميديا):

في الوقت اللي الأمهات فيه بتنشغل بين زحمة الحياة، تفاصيل الصحيان بدري، الجري عشان يلحقوا الحصة الأولى، صعوبة المناهج، وواجبات كل يوم، مبيفضلش للستات فرصة يسمعوا من ولادهم، أو يعرفوا هما إزاي بيفكروا فيهم، "مصراوي" حب ينقل صوت الولاد لأمهاتهم؛ راح مدرسة، صوّر مع بعض الطلاب، وفي نفس اليوم استدعى أمهاتهم عشان يتابعوا المقابلة من مسرح المدرسة.

سجّلت كاميرات "مصراوي"، تفاصيل تلمس القلب؛ الولاد حكوا عن أكتر حاجات بيحبوها في أمهاتهم، وبعتولهم كلمة شكر في عيدهم، وده كان كفيل إنه يخلّي الأمهات تدمّع، ويجروا على الملعب ياخدوا ولادهم بالحضن، كأنهم قابلوهم بعد غياب، لكن الحقيقة إن الأمهات جرّبوا لأول مرة شعور إنهم يشوفوا نفسهم في عيون ولادهم.