انتقدت الإعلامية لميس الحديدي فرض رسوم قدرها 15 دولارًا على خدمة "الفاست تراك" في صالة 2 بمطار القاهرة الدولي، متسائلة عن سبب تحميل الركاب هذه التكلفة، خاصة مسافري درجة رجال الأعمال والدرجة الأولى.
وقالت لميس الحديدي: "بقالي فترة مسافرتش من صالة 2، وكعادتي لا أستخدم الخدمات الخاصة المدفوعة، لأني بحب أعرف بيحصل إيه في المطار، والنهاردة وأنا مسافرة فوجئت بتطوير جديد في صالة 2.. إيه بقى؟ الفاست تراك بقى بفلوس حتى لركاب البيزنس أو الدرجة الأولى".
وتابعت: "يعني يبقى المسافر دافع فلوس كتير في التذكرة، والمفروض، كما يحدث في كل مطارات العالم، إن له طريق سريع، وده كان مطبقًا في مطار القاهرة، وأظن إنه ما زال موجودًا في صالة 3، مصر للطيران، والجديد بقى، وأنت داخل من الشارع، بيقولوا لك ادفع 15 دولار علشان تدخل الفاست تراك الخاص بالتفتيش الأولي أو تقف في الطوابير الطويلة.. إزاي يا جماعة كدا؟ ده عمرنا ما شوفناه في أي مطار في العالم".
وأضافت: "لا يا أستاذة، ده تم تطبيقه من يونيو.. الغريب إنك تروح في طابور الفاست تراك تتخيل بقى خدمة مميزة، فلا تجد مثلًا الصندوق الصغير اللي بتضع عليه حقيبتك.. طب بتاخدوا 15 دولار ليه؟، والجوازات هي المنطقة الوحيدة اللي بتطبق الفاست تراك بعناية، ولما سألت قالوا لي إن شركات الطيران هي اللي بتقدم الخدمة السريعة، ضحكت وقلت طب ما هو أكيد فيه طابور خاص للبيزنس في شركات الطيران، وإلا ده كمان هندفع عليه فلوس؟".
وتابعت: "تبقى أقول إن الجوازات هي المنطقة الوحيدة اللي بتطبق الفاست تراك بعناية بشكل متميز".
لميس الحديدي: "الموضوع مش 15 دولار"
وقالت الحديدي: "قد يظن البعض إن ده موضوع تافه، وإيه يعني 15 دولار، وكفاية إنك بتسافري بيزنس، لكن الحقيقة إن ده حق أصيل للراكب اللي دافع قيمة الخدمات والتذكرة، وهو أمر موجود في كل مطارات العالم، وتطوير المطارات مهم، لكن ليس برسوم غير مفهومة وغير مبررة من جيب الراكب.. تفاصيل صغيرة بتفرق في تجربة المسافر والسائح بالإيجاب أو السلب".
اقرأ أيضًا:
طقس الـ6 أيام.. شبورة كثيفة وأمطار خفيفة وانخفاض تدريجي في الحرارة
مواعيد وأماكن تقديم شقق الإيجار التمليكي بـ «سكن لكل المصريين 9» عبر مصر الرقمية
"معلومات المناخ": ذروة الارتفاع في الحرارة والرطوبة الخميس وتحذير للمحاصيل
