السيسي: بنموت نفسنا علشان نطلع قدام.. ولا يمكن أوعدكم بالكذب والوهم

كتب- محمد نصار:

قال الرئيس عبدالفتاح السيسي، إنه الدولة المصرية كانت في الماضي متقدمة بدرجة كبيرة، متابعا: في موضوع النمو السكاني إحنا بدأنا وجه في الستينات بعثة من كوريا الجنوبية تشوف التجربة المصرية طيب هما فين واحنا فين؟ هما في مستوى تاني خالص".

وأضاف السيسي، خلال الندوة التثقيفية للقوات المسلحة بمناسبة الذكرى 47 لانتصارات أكتوبر المجيدة، اليوم الأحد: "اوعوا تفتكروا ليكم كلكم إن أنا ممكن أوعدكم بالكذب والخداع والوهم نطلع قدام، إحنا بنموت نفسنا بالعمل والجهد والفكر، حافظوا على استقرار الدولة".

وتابع الرئيس: "كنا 4 مليون نسمة و 4 مليون فدان في بداية محمد علي، كل فرد يقدر يشتغل في فدان على اعتبار كلهم في سن العمل، بغض النظر عن حالة الفقر اللي كانت موجودة".