نجيب ساويرس: "جتتي نحست من الهجوم عليا.. ولا يمكن إنكار فضل مصر على عائلتي"

كتب- محمد أبوالمجد:

علق المهندس نجيب ساويرس، رجل الأعمال، على تعرضه لحملة من الهجوم عقب دعوته للمصريين بالاستثمار في الذهب من قبل، قائلًا: "بالنسبة للهجوم جتتي نحست خلاص ومبيأثرش واللي عايز يسمع ويستفيد يسمع واللي مش عايز ميزعلش".

وأضاف "ساويرس" في مداخلة هاتفية لبرنامج "حضرة المواطن" على فضائية "الحدث اليوم" مساء الثلاثاء: "إحنا من الناس والعائلات اللي بتدوب في مصر يعني، وكصعايدة لا يمكن أن نتنكر لفضل مصر علينا، وبدايتنا كلها كانت في مصر سواء والدي أو كلنا، ومش ممكن نتنكر لمصر".

وتابع: "إحنا خرجنا بره مصر وعندنا استثمارات في العالم كله ودا كويس لمصر لأننا بنرفع اسم مصر، زي ميار شريف في التنس ومحمد صلاح في الكورة، هي نفس الحكاية واللي ملوش خير في بلده ملوش خير في حد".