"هددوني وقالولي مش هتمشي".. طفل المحلة يكشف كواليس اختطافه وتحريره

كتب- محمد أبوالمجد:

كشف الطفل زياد البحيري، تفاصيل اختطافه بمدينة المحلة، وقيام رجال الداخلية بإعادته لأهله مرة أخرى سالمًا، قائلًا: "كانوا مغطيني بجلابية في العربية وغطوا عيوني باستك عريض"، مضيفًا: "هددوني وقالولي متعملش صوت".

وأوضح "زياد" في مداخلة هاتفية لبرنامج "الحياة اليوم" على فضائية "الحياة" اليوم الثلاثاء: "نقلوني من عربية لعربية تانية وفضلوا ماشيين بيا في المزارع حوالي 3 أو 4 ساعات".

وتابع: "المكان اللي كانوا خاطفيني فيه كان أرض زراعية وفيه مبنى صغير وعلى الطوب الأحمر ومفيش حوالينا مباني أو ناس"، موضحًا: "كنت بحاول أبص من الشباك بس مكنتش بعرف أشوف عشان مغمين عيني، وكل ما كنت بحاول أبص بينزلوني تاني".

وأردف: "كانوا بيهددوني وبيقولولي مش هتمشيي إلا لما أبوك يجيب الفلوس"، مؤكدًا: "سمعت صوت خبط كبير كنت بحسبهم ناس بتنزل براميل، واتفاجئت بدخول الشرطة وفرحت جدا لما شفت الشرطة اللي جت خدتني وصوروا كام لقطة ورجعوني لوالدتي اللي أخدتني في حضنها".