بسمة وهبة: "لا تتاجروا بآلام شيرين واتركوها تعود بهدوء"

كتب : سهيلة أسامة

02:41 م 05/08/2026

بسمة وهبة

تابعنا على

وجهت الإعلامية بسمة وهبة رسالة دعم قوية للفنانة شيرين عبدالوهاب، بعد تعرضها لموجة من الانتقادات بسبب زيادة وزنها، وذلك عقب ظهورها في بروفات استعدادًا لحفلها المرتقب بالساحل الشمالي.

بسمة وهبة تدافع عن شيرين عبدالوهاب

قالت بسمة وهبة، خلال تقديمها برنامج "90 دقيقة" المذاع عبر قناة "المحور": "هو إنتوا ليه مش فرحانين بعودة الفنانة شيرين عبدالوهاب؟ ليه مركزين فيها كإنسانة، زي موضوع الدبلة اللي في إيدها.. هي مخطوبة ولا مش مخطوبة، إنت مالك، ولو مخطوبة إيه اللي هيزيد عندك لما تعرف".

وأضافت: "شيرين راجعة بعد غياب مؤلم وبعد وعكة صحية كبيرة، هل ده استقبال، ولا إحنا بقينا بنتنمر من أجل التنمر وبس، أنا مش ملاحظة إنها خست.. إنت مالك هي خست ولا لأ؟ إنت بتسمع جسمها ولا بتسمع صوتها؟".

وتابعت: "أنا من محبي شيرين عبدالوهاب، وبعشقها، وهي بالنسبة لي رقم واحد في الوطن العربي كله، عندها إحساس بيوصل لكل الناس".

واستكملت: "المفروض التعليقات تكون وحشتينا يا شيرين، وحشنا صوتك، إحنا جايين الحفلة، انسي اللي فات.. اتمنوا لها النجاح والطاقة الإيجابية بدل الضغط عليها".

واختتمت حديثها: "مش عايزين نتاجر بآلام الناس، ولا نحول رجوع شيرين لحفلة تنمر، الإنسان بيتغير وبيمر بظروف، ولما بيرجع بيحتاج وقت يستعيد نفسه".