داليا البحيري عن خضوعها لعملية تجميل: "صليت استخارة"

روت الفنانة داليا البحيري كواليس خضوعها لعملية تجميل، مؤكدة أنها لم تكن تفكر في الأمر من الأساس قبل زيارة الطبيب.

وقالت داليا خلال لقائها على القناة الأولى المصرية مع الإعلامية مريم أمين: "ماكانش في بالي خالص إن أنا أعمل العملية دي، أول مرة سمعت عن العملية كانت من نجلاء بدر، كنا في حفلة، ونجلاء حبيبتي وورتني بكشاف الموبايل وشها، قولتلها: يا نجلاء في ناس حوالينا، هي ما بيفرقش معاها، هي من الشخصيات القمر اللي بتقول كل حاجة وبتشير كل حاجة".

وأضافت: "أنا ببص عليها بقول: (أنا لو ادوني فلوس مش هعمل العملية دي)، مجاش في بالي إن أنا ممكن أعملها خالص".

داليا البحيري ونصيحة الطبيب

وتابعت: "واللي خلى الفكرة تيجي في بالي إني أعملها إني مرة روحت لدكتور البشرة، قلت له حاسة إن أنا خاسة الأيام دي، وفي أجزاء في وشي دلدلت وتحت عيني مضايقني، أنا قلت هيعمل شوية بوتوكس، قالي: (مش بتفكري تعملي شد)".

واستكملت: "نزلت من عنده وروحت للدكتور اللي هيشد، بعد شهر فكرت وقلت مش هعمل العملية، قعدت معاه ربع ساعة أقنعني إني أعمل العملية، صليت استخارة ولاقتني ماشية في إجراءات العملية".

أعمال تنتظرها داليا البحيري

يذكر أن داليا البحيري تنتظر عرض مسلسل "استراحة محارب" الذي تشارك في بطولته مع هاني رمزي وعمرو عبدالجليل، وهو من تأليف حسام موسى وإخراج جمال عبدالحميد.

اقرأ أيضا:

تركي آل الشيخ: جيانكارلو اسبوزيتو ينطق الشهادتين ويصلي بالمسجد- فيديو

تركي آل الشيخ يكشف عن مشروع جديد مع مخرج Resident Evil