قالت الفنانة نشوى مصطفى، إنها ترغب في ارتداء الحجاب، وأن تكون هذه الخطوة بمثابة مرحلة جديدة في حياتها.
تصريحات الفنانة نشوى مصطفى
وأضافت الفنانة نشوى مصطفى في لقاء مع الإعلامي ميلاد يوسف في برنامج "الاختيار": "أنا في حاجة لما حد بيتمناهالي بقوله ادعيلي، ناس كتير بتتمنى إني أتحجب، وأنا بقول يا رب يكتبلي الفضل ده ويرزقني بيه، وأتمنى يارب، ده يبقى نعمة ورضا وفضل من رب العالمين".
قرار اعتزال الفن
وعند سؤالها هل سيؤثر ارتداء الحجاب على استمرارها في مجال الفن، قالت: "ماظنش هيبقى ليا وجود في التمثيل وقتها، وده مش بمزاجي، وأحب لما أعتزل أتفرغ للعبادة لأن الدنيا شغلاني كتير، والإنسان يتفرغ للعبادة ويبقى مع ربنا ويتآنس بيه، الواحد يحب يتفرغ الكام سنة الفاضلين يبقى مع ربنا بس، من غير ما حاجة تعطلني، لو هشتغل هتعطل وأنا مش عاوزة اتعطل".
آخر أعمال الفنانة نشوى مصطفى
وتشارك الفنانة نشوى مصطفى في دراما رمضان المقبل بمسلسل "حليمة جبران" بطولة مي عمر، محمد رياض، محمد حاتم، إنجي المقدم، علاء مرسي، بيومي فؤاد، بسنت شوقي، ومن إخراج محمد بكير.
اقرأ أيضا:
محمد رمضان يتصدر التريند بعد رسالته لـ أحمد العوضي
أحمد العوضي يرد على رسالة محمد رمضان: إحنا حبايب وإنت كبير في غلاوتك
