وجه الملحن والموزع الموسيقي سامر أبو طالب، رسالة خاصة لنجله مالك، بعد مرور 5 أشهر دون رؤيته له.
وكتب أبو طالب، عبر صفحته على "إنستجرام": "مالك حبيبى وصاحبى وابني وأول فرحتي وروح قلبي ، علشانك أستحمل الدنيا تشيل وتحط فيا مش بس يتشهر بيا ويتقال عني كلام من أوقح الكلام اللي ممكن يتقال عن بني آدم زيي معروف عنه الاحترام والكرم و بيتقى ربنا فى كل شئ و مابيظلمش ولا بييجى على حد الحمدلله و ربنا يديمها نعمه".
وتابع: "عايز أقولك يا مالك اني ماكنتش أحب تكبر تلاقي العلاقة كده بين أمك وأبوك، واصلة للمحاكم والكل بينشر وبيعيد و يزيد فيها وعشان ايه ...!!!؟؟؟، عشان أغنية تطلع تريند !! ولا شوية دعاية اقل ما يقال عنها انها دعايه رخيصه و شو مالوش قيمة".
وأضاف: "أنا من بداية الأزمة و انا مقرر اني عمري ما هعمل فيك كده و هفضل ملتزم الصمت تماماً لانى مش من الشخصيات اللى بتحب الدوشه و المشاكل والقيل والقال والفضايح و رمى الناس بالباطل، وسكوتي عن حقى و شتيمتى و اهانتى انا و اسرتى و مراتى و ابويا واخواتى فى اللى فات ده كله والتزامى الصمت كان عشانك يا حبيبى ، عشانك انت وبس يا مالك".
واستكمل: "محروم منك، وبقالي ٥ شهور مش بشوفك عشان بس العند و لمجرد ان الحضانه مع مامتك، و برضه ماتكلمتش و محاولتش اعمل شوشرة و فوضت امرى لله فى امورى كلها، و قولت ان شاء الله ربنا قادر يغير الاحداث للاحسن و للاصلح ليك يا مالك . و برضه سكوتى عشانك انت، وعلشانك هوقف اللي بيحصل قبل نهاية مسلسل*أب ولكن*اللي احنا فيها دي".
وأختتم حديثه: "ردي هيكون رد قانوني على كل الإشاعات و محاسبة كل من شارك فيها، أصل انا مش محتاج أعمل تريند على حساب أبني، اللي هيكبر يلاقي أمه بتشهر بأبوه بالكدب و بدون وجه حق، وفى الأخر تقولك، دي لعبة محامي و انا ماليش دعوة، وكأنها بأعصاب باردة بتنقذ نفسها و لكنها بتضيع ابنها، ولنا الله يحكم في عباده، ويارب يجي اليوم اللي نفوق فيه من حب الشهرة والتريند ولو على حساب ولادنا".
كواليس انفصال سامر أبو طالب ورنا سماحة
وكانت رنا سماحة أعلنت انفصالها رسميًا عن زوجها الملحن سامر أبو طالب في يناير 2025 بعد زواج دام نحو خمس سنوات أثمر عن طفلهما "مالك".
ورفعت رنا سماحة دعوى خلع ضد سامر أبو طالب بعد تراكم الخلافات منذ السنة الأولى للزواج وفشل محاولات الصلح الودية، وبعد الانفصال، أعلن سامر أبو طالب خطوبته من خارج الوسط الفني في سبتمبر 2025.
اقرأ أيضا:
هيا مرعشلي بفستان ساحر في مهرجان الجونة.. سعره يتجاوز مليونا و800 ألف جنيه
