تفاصيل التحدي الرابع من "لمة العيلة" لـ أحمد أمين
الفنان أحمد أمين
تطبيق مصراوي
لرؤيــــه أصدق للأحــــداث
كتبت - بهيرة فودة:
نشر الفنان أحمد أمين صورة، عبر حسابه الرسمي بموقع "إنستجرام"، من التحدي الرابع لـ"لمة العيلة"، عبر حسابه الرسمي بموقع "إنستجرام".
وأوضحت الصورة للتحدي الرابع صورة والد الفنان أحمد أمين ووالدته وبينهم أمين منذ الصغر، وعلق أمين على الصورة قائلاً: "تحدي النهاردة مختلف، قررت أن صلة الرحم تكون النهارده بأبويا.. الله يرحمه.. فقلت هاعمل حاجة هو كان بيحبها.. طول عمرنا مشوار السوق مع بابا كان رحلة بيتنافس عليها أطفال العيلة، هو في الآخر رايح يجيب اتنين كيلو بصل وكيلو طماطم وخضرة محشي، ايه المتعة بقى؟ مش هاتعرف غير لما تجرب.. وتشوف علاقته بالبياعين وهزاره وضحكهم وهم ميعرفوش يمكن غير اسمه.. ده لو عرفوه!".
وتابع أمين: "الله يرحمه، حتى تجربة السوق كانت مفيدة، لأنه ماكنش بيفاصل خالص وساعات مايسألش عن السعر.. في مرة قلت له ليه مش بتفاصل زي كل الناس؟ قال لي "الصدقة المخفية في البيع والشرا.. لو تقدر متفاصلش يابني مع حد كل مكسبه ملاليم.. وتحس انك انتصرت وانت وفرت نص جنيه مثلا في الاخر وتروح تشتري حاجة تانية من محل كبير وياخد منك أربعين جنيه زيادة وانت مبسوط خالص".
وأضاف أمين: "النهارده روحت السوق وسلمت على اللي فاضلين من صحابه البياعين أو ولادهم.. ودعيت له هو وماما.. بس فاصلت في السبانخ ماقدرتش بصراحة".
وأعلن أمين عن "لمة العيلة" عبر حسابه الشخصي في "فيس بوك" وعلق: "بقالي فترة طويلة يا مسافر يا مزنوق في شغل.. ومهم جدًا بصراحة من وقت للتاني إنك تاخد استراحة وتقعد تتفرج من بعيد على نفسك.. لذا هاعمل تحدي إن رغم كل المشاغل كل يوم هأعمل حاجة عشان عيلتي وهاشيرها معاكم.. فكرة.. زيارة بقى.. أي حركة.. بحيث ده يديني دفعة أحافظ بعد كدة بشكل منتظم على لمة العيلة".
View this post on Instagram
فيديو قد يعجبك:
