بالفيديو.. محمد إمام يكشف عن مشهد أبكى ياسمين صبري بـ"ليلة هنا وسرور"
محمد إمام
تطبيق مصراوي
لرؤيــــه أصدق للأحــــداث
كتب- محمد مجدي:
كشف الفنان محمد أمام عن مشهد صعب بفيلم "ليلة هنا وسرور" تسبب في بكاء الفنان ياسمين صبري، التي شاركته في بطولة الفيلم.
ونشر "إمام" مقطع فيديو من كواليس تصوير الفيلم خلال أحد المشاهد التي صورها على كوبري قصر النيل، عبر صفحته الشخصية بـ"إنستجرام".
وعلق علي الفيديو قائلا: "من أصعب المشاهد اللي صورتها أنا وياسمين صبري بنجري بالبيچامة والروب على كوبري قصر النيل يوم الخميس بالليل اللي أول مرة تعرفوه إن وإحنا بنجري ياسمين وقعت مني في وسط الكوبري وقعدت تعيّط على الأرض".
وتابع: "كان عندها أصلاً رباط صليبي والناس ابتدت تتلم علينا جامد، وأنا قاعد بأهدي فيها وأسلم على الناس في نفس الوقت، لحد ما عربية الإنتاج جت بسرعة وركبناها فيها ومشيت وأنا من كتر اللهوجة نسيت أركب معاهم".
وأضاف: "وفجأة لقيت نفسي واقف لوحدي بالروب وحافي في وسط أمة لا إله إلا الله وعاوزين كلهم يتصورا معايا أو اتصورا خلاص والدنيا اتقلبت وأنا مش لاقي ولا حد من التصوير، لحد ما لقيت واحد صاحبي معدي بالصدفة بعربيته ولحقني، و في نفس الوقت طقم التصوير بيدورا عليا و مش عارفين أنا فين، كان يوم صعب بس عدى على الخير الحمد لله، والمشهد طلع لطيف جداً".
يُذكر أن "ليلة هنا وسرور" من تأليف كريم يوسف، مصطفى صقر ومحمد عزالدين، بطولة محمد عادل إمام، ياسمين صبري، فاروق الفيشاوي، بيومي فؤاد، محمد ثروت، إخراج حسين المنياوي.
فيديو قد يعجبك:
