مصطفى حدوتة بعد تعاونه مع هيفاء وهبي لأول مرة: "اشتغلت مع الكراش"

احتفل الشاعر مصطفى حدوتة بطرح أغنيته الجديدة "نوغا" غناء هيفاء وهبي وطرحت منذ ساعات عبر قناة هيفاء الرسمية على يوتيوب، وعلى صفحات مواقع التواصل الاجتماعي، في أول تعاون له مع النجمة اللبنانية.
نشر "حدوتة" مقطع فيديو عبر صفحته على "انستجرام"، ظهر خلاله وهو يشاهد كليب "نوغا"، وكتب على الفيديو: "باركولي يا جماعة انا اشتغلت مع الكراش".

View this post on Instagram

A post shared by مصطفى بدران حدوته | Mostafa Badran Hadouta (@mostafa.hadouta)

مصطفى حدوتة يرد على تصريحات بسمة وهبة: "محدش هيتكلم عني بأسلوب غير لائق وهدي له أغنية"
انتقد الشاعر الغنائي مصطفى حدوتة، تصريحات الإعلامية بسمة وهبة بعدما تحدثت عنه بطريقة غير لائقة على حد قوله، وذلك عبر مقطع فيديو نشره على صفحته "فيسبوك".
وعن تصريحات بسمة وهبة قال: "اللي بيحصل معايا مش طبيعي، بسمة وهبة في برنامجها بتقول انا حبست مصطفى حدوتة في الاوضة وقلت له مش هتطلع لحد ما تخلص الاغنية، انا مش متذكر احنا الموضوع من 6 7 سنين وانا كنت هناك وحسن شاكوش وإسلام ساسو وممكن أكون طلبت منها أكون في اوضة لوحدي عشان الدوشة عشان كنا بنعمل أغنية جوه بيتها لبرنامجها، بس اللي انا واثق منه ان محدش هيتكلم عليا بأسلوب غير لائق وانا هديله الأغنية".

مصطفى حدوتة يعلق على تصريحات تامر عبد المنعم

رد الشاعر مصطفى حدوتة على تصريحات الفنان تامر عبد المنعم، التي قال خلالها: "مش معنى إنك اشتغلت مع عمرو دياب تبقى أحمد شوقي"، وذلك بعد تعاون حدوتة مع الهضبة في ألبومه الجديد "حبيتك" من خلال ثلاث أغنيات هي: "الألوان"، و"وإنتي جنبي"، و"12 بالليل".
وقال مصطفى حدوتة في مقطع فيديو نشره عبر حسابه الرسمي على موقع "إنستجرام":"الفنان تامر عبد المنعم طلع قال عني مش عشان اشتغلت مع عمرو دياب أبقى أحمد شوقي، أنا ولا فاكر نفسي أحمد شوقي ولا عايز أبقى ولا أكون أحمد شوقي، أنا فاكر نفسي مصطفى حدوتة وعايز أكون مصطفى حدوتة ومش عايز أكون حد غير مصطفى حدوتة".
وأضاف: "الوصول لعمرو دياب صعب جدا، وأنا ناجح من قبل عمرو دياب ونجحت معاه، وبشتغل مع ناس تانية وناجح معاهم، ومقدرش أقول لحضرتك إنك منجحتش غير لما قلدت عمرو دياب".
وتابع: "مصر كلها عارفة إن حضرتك منجحتش غير لما قلدت عمرو دياب، ومقدرش أنتقص من دورك وإنك تشخص شخصية حد تاني، دي حاجة صعبة جدا ومش أي حد يعرف يعملها، وبرافو إنك عرفت تعمل كده، ولكن أصعب حاجة تعرف تعملها دلوقتي إنك تقول برافو".
واختتم حديثه قائلا: "كان أوفر عليك إنك تقول برافو، لأني شاب في بداية حياتي وعملت حاجات كتير بإيدي ومجهودي ووقتي، بس دايما كلمة مبروك أصعب كلمة الناس تقولها".

اقرأ أيضا:
شريف دسوقي يشيد بأداء محمد فراج في "لعبة جهنم" .. ماذا قال؟

"فركش".. انتهاء تصوير مسلسل "الأمير" لـ أحمد عز وعرضه على "شاهد"