فاروق فلوكس: بقالي 5 سنين مبيتعرضش عليا أدوار وعندي خلاف مع عبدالرحمن أبو زهرة

كتبت- منال الجيوشي

تحدث الفنان فاروق فلوكس، عن فترة غيابه عن الساحة الفنية والتي وصلت لـ 5 سنوات، بجانب الكشف عن تفاصيل خلافه مع الفنان عبدالرحمن أبو زهرة.

وقال فاروق فلوكس، في لقائه مع الإعلامية إنجي هشام، في برنامج "المنسي" المذاع عبر شاشة قناة "هي": غبت 5 سنين عن الفن، ومتعرضش عليا أدوار خالص طول الفترة دي، وكل الجيل القديم مبيشتغلوش، والجيل الجديد مش عايز الجيل القديم، الجيل الجديد رافض تمامًا الجيل القديم تأليفًا وإخراجًا وتمثيل.

وتابع: السبب التاني في ابتعادي أن جالي حاجة في عيني خلاني عندي ضعف نظر في القراءة، ومن مشاكلي حاليا أني مبعرفش أقرأ قرآن ومبعرفش أمضي، وسجلت كتاب واتفرغ 500 صفحة فيه كل تاريخي.

وعن تفاصيل خلافه مع الفنان عبد الرحمن أبو زهرة، أوضح فلوكس: عبدالرحمن أبو زهرة فيه بيني وبينه خلاف، ولكن هو فنان عن حق مبيشتغلش ليه؟، وعبد الرحمن أبو زهرة كنا بنصور مسلسل في شقة فخمة ولكن الريحة كانت وحشة جدًا وأنا اتكسفت أقول للمخرج نخلص بسرعة علشان التنفس، وعبد الرحمن دخل يقول كلام كتير في المشهد قولتله هي ندوة؟ قالي أه ندوة مش عاجبك امشي، ودي اللي زعلتني منه أوي.