المطرب أكمل عن برنامج "رامز جاب من الاخر": "عملتها من 2016 وكنت بره الصندوق قبله"

كتب- مروان الطيب:

حل المطرب أكمل رسلان ضيفًا على برنامج "المنسي" تقديم الإعلامية إنجي هشام ويعرض على قناة "هي" الفضائية.

وتحدث "أكمل" عن السر وراء ابتعاده عن الغناء خلال الفترة الماضية، وعن مشاريعه الفنية، وعلاقته بنجوم الوسط الفني، إلى جانب كواليس وأسرار كشف عنها لأول مرة.

وعلق "أكمل" على فكرة برنامج "رامز جاب من الاخر": "كنت عاوز أعمل برنامج مقالب بس رعب واحنا في مصر معندناش ده أوي، وقلت أنا هنتج برنامج يا جماعة وهقدمه كمذيع وعملت البرنامج واحنا بنصور لقيت إيجار اللوكيشنات غالية وقررت أخد محل أعمل فيه اللوكيشن وأنا بعمل اللوكيشن بقت الناس هي ومعدية تقول ايه ده، كنا بنقولهم ده برنامج أو مدينة ملاهي هتفتح والناس بقيت تيجي وتحجز وتدفع فلوس".

واستكمل: "قلت يبقى أنا هعمل برنامج يطلع من المكان وكان 30 غرفة والناس تخش بقى الأوض وتتفرج على الرعب نفس التجربة اللي عملها رامز دلوقتي أنه عمل في السعودية مدينة رامز وأنا كنت عاملها من 2016 ورامز ماخدش الفكرة هو عملها بشكل متطور أنا قصدي اني كنت بره الصندوق قبله وكان عندي رؤية سابقة شوية وليه معملش فكرة أني أعمل مقالب في مدينة ملاهي الناس تيجي تلعب فيها بعدين ولما رامز عملها اتبسطت وبحس اني الحمد لله كان عندي سبق مش قصدي انه قلدني وهو عمل حاجة متطورة كتير أوي".

اقرأ أيضا:

50 صورة من حفلات سحور النجوم.. مي عمر وبسمة بوسيل ويسرا الأبرز

"دينا رفارف" في العتاولة.. 10 معلومات عن هدى الإتربي بعد إثارتها للجدل