مفاجأة جديدة في الاختيار 3.. تسريب لمرسي والشاطر عن البرادعي: "هيموت على رئاسة الوزراء"

كتب- عبد الفتاح العجمي:

شهدت الحلقة التاسعة من مسلسل "الاختيار 3"، عرض تسريبا جديدا للرئيس المعزول محمد مرسي والقيادي الإخواني خيرت الشاطر، أثناء حديثهما عن الدكتور محمد البرادعي رئيس الوكالة الدولية للطاقة الذرية سابقا.

وفي نهاية "الاختيار 3 الحلقة 9"؛ يقول مرسي في التسريب مخاطبا الشاطر: "البرادعي زعلان.. كان هيموت على رئاسة الوزراء.. هيموت.. يعني حضرتك فاكر اتصل بينا مرتين في نفس اليوم.. يا عم مش إحنا اللي واقفين، قال خلاص بقولكم إذا مش واقفين قولوا ليس لدينا مانع.. هي رئاسة الوزراء مهمة للدرجة دي؟ حاجة غريبة جدا".

يرد الشاطر: "آه بس هي دي اديتله رسالة، إن الإخوان مش هيدوله في انتخابات الرئاسة، وهو كان بيراهن على غير كده"، يعقب مرسي: "أيوه بس عمرنا ما قولناله هنديلك"، يكمل الشاطر: "فيبقى دلوقتي إذا كان التصويت كتلته 60-70% ماشية في اتجاه الإسلاميين يبقى هو فرص نجاحه ضعيفة أو مش موجودة، فقرر الانسحاب بشرط، ونوع من الضغط بقى، جايز يعني الناس بتحب الضحية، جايز حد يتعاطف معاه، جايز أي حاجة، الطريقة الأمريكاني يعني"، يختتم مرسي: "وعمره ما حد قاله كلمة"، يرد الشاطر: "آه آه طبعا".

"الاخيتار 3" يضم الكثير من نجوم الفن من بينهم: ياسر جلال وأحمد السقا وكريم عبد العزيز وأحمد عز وصبري فواز وخالد الصاوي وهيدي كرم وغيرهم، من تأليف هاني سرحان وإخراج بيتر ميمي.