السيسي يشيد بزراعة 10 آلاف فدان بوادي الشيح: العلم بيخدم على أمور قد لا نراها

كتب- محمد نصار:

أشاد الرئيس عبد الفتاح السيسي بنجاح أحد رجال الأعمال المصريين في استصلاح 10 آلاف فدان بمنطقة وادي الشيح في محافظة أسيوط.

وقال الرئيس السيسي، خلال افتتاح موسم حصاد القمح بشرق العوينات، اليوم الأحد: أنا بهنيكم على أنكم زرعتم في وادي الشيح، لأنه كان على مدى السنين اللي فاتت يصعب الزراعة فيه، عملتوا إيه.

وتابع الرئيس: عارف يا "جمال" بسأل السؤال ده ليه، اللي نجح هنا في مزرعة وادي الشيح بمساحة 10 آلاف فدان ده مستثمر مصري قدر يشتغل بتقنية مختلفة وقدر يزرع الأرض دي، وزرع محاصيل بالفعل.

وواصل السيسي: الدلالة بتاع الموضوع أنه دائما ما دام في إرادة وإصرار في نجاح، العلم بيخدم على أمور قد لا نراها، المزرعة دي 10 آلاف فدان في أسيوط، كانت الإجراءات اللي بتتعمل مش قادرة تنجح الفكرة، وجه مستثمر قال أنا هعمل الفكرة وأنجحها، وأنا بهنيكم.

ويشهد الرئيس عبد الفتاح السيسي، اليوم الأحد، افتتاح موسم حصاد القمح بشرق العوينات.

كما يفتتح الرئيس عبد الفتاح السيسي أيضا مصنعا لإنتاج البطاطس وثلاجات تقاوي البطاطس.